പച്ചക്കറി വിൽപനയ്ക്കായി വിപണിയിലേക്ക് ഔഡി എ4 ലക്ഷ്വറി സെഡാൻ ഓടിച്ചെത്തുന്ന മലയാളി കർഷകനാണ് ഇപ്പോൾ സോഷ്യൽ മീഡിയയിലെ താരം. വെറൈറ്റി ഫാർമർ എന്നറിയപ്പെടുന്ന സുജിത്ത് എസ്പിയാണ് ഇൻസ്റ്റാഗ്രാമിൽ വീഡിയോ പങ്ക് വെച്ചത്.
അയാൾ വിളകൾ കൃഷി ചെയ്യുന്നതും തുടർന്ന് 44 ലക്ഷം രൂപയ്ക്ക് മുകളിലുള്ള തന്‍റെ ആഡംബര കാറായ -ഔഡി എ 4- ഓടിച്ചുകൊണ്ട് തന്‍റെ ഉൽപ്പന്നങ്ങൾ റോഡരികിലെ മാർക്കറ്റിൽ വിൽക്കുന്നതും ഇതിൽ കാണിക്കുന്നു.
ഔഡി കാറിൽ പോയി ചീര വിറ്റപ്പോൾ എന്ന അടിക്കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്. തന്‍റെ ഔഡി എ4 വിപണിയിലേക്ക് കൊണ്ടുപോകുന്നതിനിടയിൽ അദ്ദേഹം ചീര വിളവെടുക്കുന്നതും ഓട്ടോറിക്ഷയിൽ കൊണ്ടുപോകുന്നതും വീഡിയോയിൽ കാണാം.
തുടർന്ന് തറയിൽ ഒരു പായ വിരിച്ച് ഉപഭോക്താക്കൾക്ക് വാങ്ങാൻ ചുവന്ന ചീര പ്രദർശിപ്പിക്കുന്നതും വീഡിയോയിൽ കാണിക്കുന്നു. തന്‍റെ ഉൽപ്പന്നങ്ങൾ വിറ്റ് കഴിഞ്ഞാൽ സുജിത്ത് എല്ലാം പൊതിഞ്ഞ് തന്‍റെ ആഡംബര കാറിൽ പോകുന്നു. അയാൾ കാർ തുറന്ന് ഷോർട്ട്സിൽ ലുങ്കി ചുറ്റി കാറ് ഓടിച്ചു പോകുന്നു.
ഇൻസ്റ്റാഗ്രാമിൽ 203,000 ഫോളോവേഴ്‌സാണ് സുജിത്തിനുള്ളത്. കൃഷിയെ മനസ്സിലാക്കുന്ന യുവാക്കൾക്ക് വലിയ പ്രചോദനമാണിതെന്നും നിങ്ങൾ ഒരു നല്ല മാതൃകയാണെന്നുമുള്ള കമന്‍റുകളാണ് വീഡിയോയ്ക്ക് വന്നത്.
എന്നാൽ സുജിത്തിന് പ്രശസ്തി അത്ര അപരിചിതമല്ല. നൂതന കൃഷിരീതികൾ, വ്യത്യസ്ത വിളകൾ വളർത്തൽ, സാങ്കേതികവിദ്യയെ കൃഷിയുമായി സമന്വയിപ്പിക്കൽ എന്നിവയെ കുറിച്ച് ഓൺലൈനിൽ അവബോധം പ്രചരിപ്പിക്കുന്നതിലൂടെയാണ് സുജിത്ത് അറിയപ്പെടുന്നത്.
വീഡിയോ കാണാൻ ഇവിടെ ക്ലിക്ക് ചെയ്യുക
