ന്യൂഡൽഹി: ബിജെപിയുടെ അടുത്ത ലക്ഷ്യം കേരളമാണെന്ന് പാർട്ടി വക്താവ് ജി.വി.എൽ. നരസിംഹറാവു. ബംഗാളും ഒഡീഷയും പിടിച്ച തരത്തിൽ കേരളവും പിടിക്കുമെന്നും അടുത്ത തെരഞ്ഞെടുപ്പിൽ മികച്ച പ്രകടനം കാഴ്ചവയ്ക്കുമെന്നും റാവു പറഞ്ഞു.
ഇനി ദക്ഷിണേന്ത്യയാണ് പാർട്ടിയുടെ ലക്ഷ്യം. അടുത്ത തെരഞ്ഞെടുപ്പിൽ ബിജെപി കേരളത്തിൽ മികച്ച പ്രകടനം കാഴ്ചവയ്ക്കും. പശ്ചിമ ബംഗാളിലും ഒഡീഷയും ബിജെപി നടപ്പിലാക്കിയ തന്ത്രമായിരിക്കും കേരളത്തിലും നടപ്പാക്കുകയെന്നും റാവു പറഞ്ഞു.
ബംഗാളിൽ 24 സീറ്റിലും ഒഡീഷയിൽ ഏഴുസീറ്റിലും ലീഡ് നേടാൻ ബിജെപിക്കു കഴിഞ്ഞു. കേരളത്തിൽ 20 സീറ്റിൽ 19 എണ്ണത്തിലും കോണ്ഗ്രസ് സഖ്യമാണ് മുന്നിട്ടു നിൽക്കുന്നത്.
