അന്നമനട: ഓടിക്കൊണ്ടിരുന്ന പോലീസ് ജീപ്പിനു മുകളിൽ കാറ്റിലും മഴയിലുംപെട്ട് മരം മറിഞ്ഞുവീണു. ആർക്കും പരിക്കേറ്റിട്ടില്ല. മന്ത്രി എ.കെ. ബാലനു അകന്പടി പോകുന്നതിനായി ജില്ലാ അതിർത്തിയായ പൊങ്ങത്തേക്കു പോകുകയായിരുന്നു.
എഎസ്ഐ അബ്ദുൾ ലത്തീഫും ഡ്രൈവറുമായിരുന്നു മാളയിൽനിന്നുള്ള ജീപ്പിലുണ്ടായിരുന്നത്. കാറ്റും മഴയും ഉള്ള ഇന്നലെ വൈകീട്ട് നാലു മണിയോടെയാണ് സംഭവം. മേലഡൂരിലെത്തിയ ജീപ്പിനു മുകളിലേക്കു തെങ്ങ് കടപുഴകി വീഴുകയായിരുന്നു.
പോലീസിന്റെ ബൊലേറോ ജീപ്പിന്‍റെ പുറകുവശത്തേക്ക് തെങ്ങു വീണതിനാൽ ആളപായം ഉണ്ടാകാതെ രക്ഷപ്പെട്ടു. ഫയർഫോഴ്സ് എത്തി തെങ്ങ് മുറിച്ചുമാറ്റിയശേഷം ജീപ്പ് സംഭവസ്ഥലത്തുനിന്നും മാറ്റി.
