ചാക്കോയ്ക്ക് ഹൃദ് രോഗത്തിന്‍റെ ലക്ഷണങ്ങളില്ല;  കെ​വി​ൻ വ​ധ​ക്കേ​സി​ൽ ഇ​ന്നു വാ​ദം തു​ട​ങ്ങാ​നി​രി​ക്കെ നീനുവിന്‍റെ അച്ഛന് നെഞ്ചുവേദന;  കേസിലെ അഞ്ചാം പ്രതിയാണ് ചാക്കോ

കോ​ട്ട​യം: കെ​വി​ൻ വ​ധ​ക്കേ​സി​ലെ അ​ഞ്ചാം​പ്ര​തി കൊ​ല്ലം തെന്മല സ്വ​ദേ​ശി ചാ​ക്കോ ജോ​ണി​ന്‍റെ ആ​രോ​ഗ്യ​നി​ല തൃ​പ്തി​ക​രം. ഇ​ന്ന​ലെ രാ​വി​ലെ ശാ​രീ​രി​ക അ​സ്വ​സ്ഥ​ത​ക​ൾ അ​നു​ഭ​വ​പ്പെ​ട്ട​തോ​ടെ ചാ​ക്കോ​യെ കോ​ട്ട​യം മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. കോ​ട്ട​യം സ​ബ് ജ​യി​ലി​ൽ റി​മാ​ൻ​ഡി​ൽ ക​ഴി​യു​ന്ന ചാ​ക്കോ​യ്ക്കു ഇ​സി​ജി​യി​ൽ ഏ​റ്റ​ക്കു​റ​ച്ചി​ൽ ക​ണ്ടെ​ത്തി. കൂ​ടു​ത​ൽ പ​രി​ശോ​ധ​ന​യ്ക്കു ഹൃദ്രോഗ വി​ഭാ​ഗ​ത്തി​ലേ​ക്കു മാ​റ്റു​ക​യാ​യി​രു​ന്നു.

ഏ​റെ​ക്കാ​ല​മാ​യി ചാ​ക്കോ നേ​രി​യ ഹൃ​ദ്രോ​ഗ​പ്ര​ശ്നം നേ​രി​ടു​ന്നു​ണ്ട്. ആ​ൻ​ജി​യോ​ഗ്രാം, ആ​ൻ​ജി​യോ​പ്ലാ​സ്റ്റി തു​ട​ങ്ങി​യ ചി​കി​ത്സ​യ്ക്കു വി​ധേ​യ​മാ​യി​ട്ടു​ള്ള​യാ​ളാ​ണു ചാ​ക്കോ. അ​തി​നാ​ൽ കാ​ർ​ഡി​യോ​ള​ജി വി​ഭാ​ഗ​ത്തി​ൽ പ്ര​വേ​ശി​പ്പി​ച്ച​ശേ​ഷം വി​ദ​ഗ്ധ പ​രി​ശോ​ധ​ന​യ്ക്കു വി​ധേ​യ​മാ​ക്കി.

പ​രി​ശോ​ധ​ന​യി​ൽ ഹൃ​ദ്രോഗ​ത്തി​ന്‍റെ ല​ക്ഷ​ണ​ങ്ങ​ളി​ല്ലെ​ങ്കി​ലും ക്ഷീ​ണ​മു​ള്ള​തി​നാ​ൽ മെ​ഡി​സി​ൻ വി​ഭാ​ഗ​ത്തി​ൽ പ്ര​വേ​ശി​പ്പി​ച്ചു. ഗു​രു​ത​ര പ്ര​ശ്ന​മി​ല്ലെ​ന്നും നി​രീ​ക്ഷ​ണ​ത്തി​ലാ​ണെ​ന്നും ഡോ​ക്ട​ർ​മാ​ർ പ​റ​ഞ്ഞു. കെ​വി​ന്‍റെ ഭാ​ര്യ നീ​നു​വി​ന്‍റെ പി​താ​വാ​ണ് ചാ​ക്കോ. കെ​വി​ൻ വ​ധ​ക്കേ​സി​ൽ ഇ​ന്നു വാ​ദം തു​ട​ങ്ങാ​നി​രി​ക്കെ​യാ​ണു ചാ​ക്കോ​യെ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച​ത്.