ജാൻവി കപൂറിനു പിന്നാലെ ബോളിവുഡിലേക്ക് അരങ്ങേറ്റം കുറിക്കാനൊരുങ്ങി ഖുഷി കപൂറും. കരണ്‍ ജോഹർ സംവിധാനം ചെയ്യുന്ന ചിത്രത്തിലൂടെയാണ് ചേച്ചിയുടെ പാത പിന്തുടർന്ന് അനുജത്തിയും അഭിനയ രംഗത്തേക്ക് പ്രവേശിക്കുവാനൊരുങ്ങുന്നത്.
കരണ്‍ ജോഹർ സംവിധാനം ചെയ്ത “ധടക്’ എന്ന ചിത്രത്തിലൂടെയാണ് ജാൻവി കപൂറും ബോളിവുഡിലേക്ക് അരങ്ങേറ്റം നടത്തിയത്. ഒരു ചാറ്റ് ഷോയ്ക്കിടെയാണ് കരണ്‍ ജോഹർ, ഖുഷി കപൂറിന്‍റെ അഭിനയ രംഗത്തെ അരങ്ങേറ്റത്തെക്കുറിച്ച് സൂചന നൽകിയത്. എന്നാൽ സിനിമയെ കുറിച്ച് കൂടുതൽ വിവരങ്ങൾ വെളിപ്പെടുത്തുവാൻ അദ്ദേഹം തയാറായില്ല.
