കൊച്ചി: ഐഎസ്എൽ ടീമായ കേരള ബ്ലാസ്റ്റേഴ്സിന്‍റെ പരിശീലക സ്ഥാനത്തുനിന്നും എൽക്കോ ഷട്ടോരിയെ നീക്കി. പകരം കേരള ബ്ലാസ്റ്റേഴ്സിനെ ഇനി നയിക്കുക സ്പാനിഷ് പരിശീലകനായ കിബു വികൂന എന്ന തന്ത്രശാലി ആയിരിക്കും.
മോഹൻ ബഗാന്‍റെ പരിശീലകനായിരുന്ന കിബു വികൂനയെ കേരള ബ്ലാസ്റ്റേഴ്സിന്‍റെ പരിശീലകനായി നിയമിച്ചതായാണ് റിപ്പോർട്ട്. ഈ സീസണിൽ ഐലീഗിലെ മോഹൻ ബഗാന്‍റെ നേട്ടങ്ങൾക്കു പിന്നിൽ പ്രവർത്തിച്ചത് വികൂനയായിരുന്നു.
പുതിയ സീസണിൽ മോഹൻ ബഗാനും എടികെയും ലയിക്കുന്നതോടെ വികൂനയുടെ ബഗാനിലെ ജോലി അവസാനിച്ചിരുന്നു.
