കിടങ്ങൂർ പോലീസ് സ്റ്റേഷനു മുന്നിലെ ഗതാഗതക്കുരുക്ക്: കാരണം പോലീസുകാരോ?

കി​ട​ങ്ങൂ​ർ: വ​ഴി​യി​ൽ കി​ട​ക്കു​ന്ന വ​ണ്ടി​ക​ളെ​ല്ലാം ഓ​രോ കേ​സി​ൽ​പ്പെ​ട്ട​താ. കേ​സ് തീ​രാ​തെ അ​തൊ​ന്നും മാ​റ്റാ​നാ​വി​ല്ല. ഒ​ടു​വി​ൽ പി​ടി​കൂ​ടി​യ ടി​പ്പ​റി​ലു​ണ്ടാ​യി​രു​ന്ന ക​ല്ലും മ​ണ്ണും കൂ​ടി വ​ഴി​യ​രി​കി​ലേ​ക്ക് ഇ​റ​ക്കി​യ​തോ​ടെ ഗ​താ​ഗ​ത ത​ട​സം രൂ​ക്ഷ​മാ​യി. കി​ട​ങ്ങൂ​ർ പോ​ലീ​സ് സ്റ്റേ​ഷ​ന് മു​ന്പി​ലെ റോ​ഡി​ലാ​ണ് ഗ​താ​ഗ​ത ത​ട​സം സൃ​ഷ്ടി​ക്കു​ന്ന രീ​തി​യി​ൽ പോ​ലീ​സ് പി​ടി​ച്ച വാ​ഹ​ന​ങ്ങ​ളും മ​റ്റും കി​ട​ക്കു​ന്ന​ത്.

വി​വി​ധ കേ​സു​ക​ളി​ൽ ഉ​ൾ​പ്പെ​ട്ട് പി​ടി​ച്ചെ​ടു​ത്ത വ​ലു​തും ചെ​റു​തു​മാ​യ വാ​ഹ​ന​ങ്ങ​ൾ സ്റ്റേ​ഷ​ൻ പ​രി​സ​ര​ത്തും വ​ഴി​യ​രി​കി​ലു​മാ​യാ​ണ് സൂ​ക്ഷി​ച്ചി​ട്ടു​ള്ള​ത്. ബ​സു​ക​ളും ടോ​റ​സ് ലോ​റി​ക​ളു​മ​ട​ക്ക​മു​ള്ള വ​ലി​യ വാ​ഹ​ന​ങ്ങ​ൾ ഇ​വി​ടെ വ​ഴി​യ​രി​കി​ൽ സൂ​ക്ഷി​ച്ചി​രി​ക്കു​ന്ന​ത് പ​തി​വ് കാ​ഴ്ച​യാ​ണ്. കൂ​ടാ​തെ ക​ഴി​ഞ്ഞ 20ന് ​പി​ടി​ച്ചെ​ടു​ത്ത ടി​പ്പ​ർ ലോ​റി​ക​ൾ ഉ​ട​മ​ക​ൾ​ക്ക് വി​ട്ടു ന​ൽ​കു​ന്ന​തി​നു​ള്ള ഹൈ​ക്കോ​ട​തി ഉ​ത്ത​ര​വി​നെ​ത്തു​ട​ർ​ന്ന് ലോ​റി​ക​ളി​ലു​ണ്ടാ​യി​രു​ന്ന ക​രി​ങ്ക​ല്ലും മ​ണ്ണും ലേ​ലം ചെ​യ്യു​ന്ന​തി​ലേ​ക്കാ​യി പോ​ലീ​സ് സ്റ്റേ​ഷ​ന് മു​ൻ​വ​ശ​ത്തു​ള്ള റോ​ഡ​രി​കി​ൽ കൂ​ട്ടി​യി​ട്ടി​രി​ക്കു​ന്ന​തും ഗ​താ​ഗ​ത ത​ട​സ​ത്തി​ന് കാ​ര​ണ​മാ​കു​ന്നു​ണ്ട്.

സ​മീ​പ​ത്തു​ള്ള ഹ​യ​ർ​സെ​ക്ക​ൻ​ഡ​റി സ്കൂൾ വി​ദ്യാ​ർ​ഥി​ക​ള​ട​ക്ക​മു​ള്ള വ​ഴി​യാ​ത്ര​ക്കാ​ർ ഇ​തുമൂ​ലം ബു​ദ്ധി​മു​ട്ടി​ലാ​ണ്. വ​ഴി​യ​രി​കി​ലും ന​ട​പ്പാ​ത​യി​ലു​മാ​യി സൂ​ക്ഷി​ച്ചി​രി​ക്കു​ന്ന വാ​ഹ​ന​ങ്ങ​ളും ക​ല്ലും മ​ണ്ണും ഉ​ട​ൻ നീ​ക്കം ചെ​യ്ത് ഗ​താ​ഗ​തം സു​ഗ​മ​മാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. അ​തേ സ​മ​യം കേ​സ് തീ​രാ​തെ വാ​ഹ​നം ലേ​ലം ചെ​യ്യാ​നാ​കി​ല്ലെ​ന്ന് പോ​ലീ​സ് പ​റ​യു​ന്നു. മ​റ്റു​നി​ർ​വാ​ഹ​മി​ല്ലാ​ത്ത​തി​നാ​ലാ​ണ് വാ​ഹ​ന​ങ്ങ​ൾ വ​ഴി​യി​ൽ പി​ടി​ച്ചി​ടു​ന്ന​ത്.