മൂത്രാശയക്കല്ലുകൾ; കല്ലുള്ളവർക്കു കാൽസ്യം ഗുളിക പ്രശ്നമാകുമോ?

മൂത്രാശയക്കല്ലുകൾക്കുള്ള പരിഹാരത്തെക്കുറിച്ചു ചില കാര്യങ്ങൾ. ശ​രീ​ര​ത്തി​ന്‍റെ ത​ക​രാ​റു മാ​റ്റ​ണം അ​ല്ലെങ്കി​ൽ വീ​ണ്ടും വീ​ണ്ടും ക​ല്ലു​ക​ൾ വ​രും. ശീ​ല​ങ്ങ​ൾ മാ​റ്റ​ണം. വെ​ള്ളം ധാ​രാ​ളം കു​ടി​ക്ക​ണം, അ​വ​സ​രം കി​ട്ടു​ന്പോ​ഴെ​ല്ലാം മൂ​ത്ര​മൊ​ഴി​ക്ക​ണം. ഭ​ക്ഷ​ണ പാ​നീ​യ​ങ്ങ​ളി​ൽ ശ്ര​ദ്ധ വേ​ണം.

വെള്ളം ധാരാളം കുടിക്കണം
പ്ര​കൃ​തി​ദ​ത്ത​മ​ല്ലാ​ത്ത അ​മി​ത നി​റ​ത്തി​ലു​ള്ള​തും രു​ചി​യി​ലു​ള്ള​തു​മാ​യ കോ​ള​ പാനീയങ്ങൾ പോ​ലു​ള്ള​വ ശ​രീ​ര​ത്തി​നു ദ​ഹി​പ്പി​ക്കാ​നാ​വി​ല്ല. പ​ക്ഷേ, അ​തു വ​ലി​ച്ചെ​ടു​ക്ക​പ്പെ​ടും. പി​ന്നെ ശ​രീ​രം അ​തു ക​ഷ്ട​പ്പെ​ട്ട് അ​രി​ച്ചെ​ടു​ത്ത് പു​റ​ത്തുക​ള​യും. അ​തു ക​ഴു​കി പു​റ​ത്തു​ക​ള​യാ​ൻ ത​ന്നെ ധാ​രാ​ളം വെ​ള്ളം കു​ടി​ച്ചി​രി​ക്ക​ണം.

ഒ​രു മു​റി​യി​ലെ അ​ഴു​ക്കു ക​ഴു​കി വൃ​ത്തി​യാ​ക്കുവാ​ൻ ഒ​രു​ക​പ്പു വെ​ള്ളം മാ​ത്രം കി​ട്ടി​യാ​ൽ ന​മു​ക്കെ​ന്തു ചെ​യ്യാ​നാ​കും? അ​തു​ത​ന്നെ​യാ​ണു മൂ​ത്രാ​ശ​യ വ്യ​വ​സ്ഥ​യി​ലും സം​ഭ​വി​ക്കു​ക.

കൊ​ഴു​ത്ത മ​ലി​നജ​ലം ഒ​ഴു​കു​ന്പോ​ൾ കു​ഴ​ലു​ക​ളും ഓ​വു​ചാ​ലു​ക​ളും മാ​ലി​ന്യ​മ​ടി​ഞ്ഞ് അ​ട​യു​ന്ന പോ​ലെ ഇ​തി​നെ മ​ന​സിലാ​ക്കി​യാ​ൽ, ധാ​രാ​ളം വെ​ള്ളം കു​ടി​ക്ക​ണം എ​ന്നു പ​റ​യു​ന്ന​തി​ന്‍റെ യു​ക്തി മ​ന​സ്സി​ലാ​വും.

അധികമാകരുത് ഒന്നും…
ചി​ല ഭ​ക്ഷ​ണ​ങ്ങ​ളു​ടെ അ​മി​തോ​പ​യോ​ഗം രോ​ഗം കൂ​ട്ടാം. അ​ധി​ക​മാ​യാ​ലെ അ​മൃ​ത് വി​ഷ​മാ​കു​ക​യു​ള്ളു. ക​ല്ലു​ക​ൾ പ​ല​വി​ധ​മു​ണ്ടെ​ന്നു പ​റ​ഞ്ഞ​ല്ലോ. അ​വ​യി​ലോ​രോ​ന്നു​മാ​യി ബ​ന്ധ​പ്പെ​ട്ട ചി​ല ആ​ഹാ​ര​ങ്ങ​ൾ അ​മി​ത​മാ​കാ​തെ ശ്ര​ദ്ധി​ക്കു​ക.
ഭ​ക്ഷ​ണ​ത്തി​ലൂ​ടെ ഉ​ള്ളി​ലെ​ത്തു​ന്ന ഓ​ക്സ​ലേ​റ്റ് കു​റ​യ്ക്കു​ക.​ ചീ​ര, മ​ധു​ര​ക്കി​ഴ​ങ്ങ്, ചാ​യ, ചോ​ക്ളേ​റ്റ്, വെ​ണ്ട​യ്ക്ക, ബീറ്റ് റൂട്ട്, കു​രു​മു​ള​ക്, സോ​യ ഉ​ത്പ​ന്ന​ങ്ങ​ൾ ഓ​ക്സ​ലേ​റ്റ് കൂ​ട്ടാം.

ഉ​പ്പും മൃ​ഗ​ജ​ന്യ പ്രോ​ട്ടീ​നും കു​റ​യ്ക്കു​ക
ഭ​ക്ഷ​ണ​ത്തി​ൽ ഉ​പ്പും മൃ​ഗ​ജ​ന്യ പ്രോ​ട്ടീ​നും കു​റ​യ്ക്കു​ക.പ​യ​ർ വ​ർ​ഗ്ഗ​ങ്ങ​ളി​ല​ട​ങ്ങി​യ പ്രോ​ട്ടീ​ൻ ഉ​പ​യോ​ഗി​ക്കാം. സി​സ്റ്റൈ​ൻ ക​ല്ലു​ക​ളു​ള്ള​വ​രി​ലാ​ണ് പ്രോ​ട്ടീ​ൻ ഭ​ക്ഷ​ണനി​യ​ന്ത്ര​ണം പ്ര​ധാ​ന​മാ​യി വേ​ണ്ട​ത്.

കാ​ൽസ്യം ഗു​ളി​ക​ക​ൾ
കാ​ൽസ്യം ഗു​ളി​ക​ക​ൾ പ​ല​പ്പോ​ഴും പ്ര​ശ്ന​ക്കാ​രാ​ണ്. ക​ല്ലി​ന്‍റെ ത​ക​രാ​ർ മു​ന്പു​ണ്ടാ​യി​രു​ന്ന​വ​ർ അ​ക്കാ​ര്യം ഡോ​ക്ട​റോ​ട് പ​റ​യ​ണം. യൂ​റി​ക്കാ​സി​ഡ് കൂ​ടി​യാ​ൽ ഗൗ​ട്ട് എ​ന്ന സ​ന്ധി വേ​ദ​ന​യും, മൂ​ത്രത്തി​ൽ ക​ല്ലും വ​രാം. അ​വ​ർ മാം​സാ​ഹാ​ര​ത്തി​ലെ ക​ര​ൾ, വൃ​ക്ക എ​ന്നി​വ ക​ഴി​ക്ക​രു​ത്. മ​ദ്യം, ക​ട​ൽ മ​ത്സ്യ​ങ്ങ​ളി​ൽ മ​ത്തി, ക​ല്ലു​മ്മ​ക്കാ​യ പോ​ലെ തോ​ടു​ള്ള ഭ​ക്ഷ​ണ​ങ്ങ​ൾ കു​റ​യ്ക്കാം.

എ​ന്താ ചി​കി​ൽ​സ?
നാ​ടു​നീ​ളെ ഒ​റ്റമൂ​ലി​ക്കാ​രെ കാ​ണാം. അ​വയി​ൽ ചി​ല​തു ഫ​ല​പ്ര​ദ​മാ​ണ്. പക്ഷേ, എ​ല്ലാ​വ​രി​ലു​മ​ല്ലെ​ന്നു മാ​ത്രം. പ​ല ചി​കി​ൽ​സ​യും വേ​ദ​ന വേ​ഗം ശ​മി​പ്പി​ച്ചേ​ക്കും എ​ന്നു ക​രു​തി രോ​ഗം മാ​റി​യെ​ന്ന അ​മി​ത വി​ശ്വാ​സം വേ​ണ്ട.

അ​ൾ​ട്രാ സൗ​ണ്ട് സ്കാ​ൻ ചെ​യ്തശേ​ഷം മാ​ത്രം ക​ല്ലു പോ​യെ​ന്നു​റ​പ്പി​ക്കു​ക. ഏ​തു ചി​കി​ൽ​സ ചെ​യ്താ​ലും പി​ന്നെ ക​ല്ലു വ​രു​ന്നി​ല്ല എ​ന്ന് ഉ​റ​പ്പി​ക്ക​ണം. അ​തി​നാ​യി വ​ല്ല​പ്പോ​ഴും ഒ​രു സ്കാ​ൻ ചെ​യ്തോ​ളു.

ഹോ​മി​യോ​പ്പ​തി​യി​ൽ
രോ​ഗം വീ​ണ്ടും വ​രാ​തി​രി​ക്കാ​നും, ക​ല്ലു പു​റ​ത്തു​പോ​കാ​നും ഹോ​മി​യോ​പ്പ​തി​യി​ൽ ഫ​ല​പ്ര​ദ​മാ​യ മ​രു​ന്നു​ക​ളു​ണ്ട്.
രോ​ഗി​യു​ടെ ശാ​രീ​രി​ക മാ​ന​സി​ക പ്ര​ത്യേ​ക​ത​ക​ൾ അ​നു​സ​രി​ച്ചും ഏ​തു​വ​ശ​ത്ത് ക​ല്ലു വ​രു​ന്നു എ​ന്ന​തി​ന​നു​സ​രി​ച്ചും ചി​കി​ൽ​സ​യും മ​രു​ന്നും മാ​റു​മെ​ന്ന​തി​നാ​ൽ മി​ക​ച്ച ഒ​രു ഹോ​മി​യോ​പ്പ​തി ഡോ​ക്ട​റെ കാ​ണു​ക.

ഡോ:​ റ്റി.​ജി. മ​നോ​ജ് കു​മാ​ർ
മെ​ഡി​ക്ക​ൽ ഓ​ഫീ​സ​ർ,ഹോ​മി​യോ​പ്പ​തി വ​കു​പ്പ്
മുഴക്കുന്ന്, ക​ണ്ണൂ​ർ ഫോൺ – 9447689239
[email protected]