കൊച്ചി: എറണാകുളം നോര്‍ത്ത് റെയില്‍വേ സ്‌റ്റേഷന്‍ പരിസരത്തു നിന്ന് 56 കാരിയെ തട്ടിക്കൊണ്ടുപോയി ബലാത്സംഗം ചെയ്ത കേസിലെ പ്രതി പോലീസ് പിടിയിൽ.
ഡിസംബർ 13 ന് ഫിർദൗസ് അലി എന്നയാൾ ജോലി വാഗ്ദാനം നൽകിയാണ് സ്ത്രീയെ തട്ടിക്കൊണ്ടുപോയത്.
കൊച്ചിയിൽ ജോലി നോക്കി മടങ്ങുകയായിരുന്ന ഇവരെ മെട്രോ സ്റ്റേഷനിൽ എത്തിക്കാമെന്ന് പറഞ്ഞ് ഓട്ടോയിൽ കയറ്റി.
തുടർന്ന് റെയിൽവേ യാർഡിന് സമീപത്തെ ചതുപ്പിലേക്ക് കൊണ്ടുപോയി പ്രതി ബലാത്സംഗം ചെയ്യുകയായിരുന്നെന്ന് പോലീസ് പറഞ്ഞു.
വിശദമായ അന്വേഷണത്തിനൊടുവിൽ പ്രതിയെ തിരിച്ചറിഞ്ഞ് കൊച്ചിയിൽ കസ്റ്റഡിയിലെടുത്തു. പരിക്കേറ്റ സ്ത്രീ കളമശ്ശേരി മെഡിക്കൽ കോളേജിൽ ചികിത്സയിലാണെന്നും പോലീസ് അറിയിച്ചു.
