ടാൻസാനിയയിൽ നിന്നുള്ള ജനപ്രിയ സോഷ്യൽ മീഡിയ ഇൻഫ്ലുവൻസർ കിളി പോൾ തൻ്റെ ഏറ്റവും പുതിയ വീഡിയോയിൽ ‘അറബിക് കുത്ത്’ എന്ന തമിഴ് സിനിമാ ഗാനം പുനഃസൃഷ്ടിച്ച് വൈറലായിരിക്കുകയാണ്.
2022-ൽ ഗാനം പുറത്തിറങ്ങിയപ്പോൾ അദ്ദേഹം ഗാനത്തിൽ തൻ്റെ ആദ്യ പ്രകടനം നടത്തിയിരുന്നു. എന്നാൽ ഇത്തവണ കിളി പോൾ തന്‍റെ പരമ്പരാഗത വസ്ത്രം ഉപേക്ഷിച്ച് ഡെനിം ബോട്ടം ജോടിയാക്കി ഒരു ടീ-ഷർട്ട് ആണ് ധരിച്ചിരിക്കുന്നത്. വ്യത്യസ്ത ലുക്കിലെത്തിയ അദ്ദേഹത്തിന്‍റെ ഡാൻസ് വീഡിയോ ആരാധകരെ ആശ്ചര്യപ്പെടുത്തുകയും സന്തോഷിപ്പിക്കുകയും ചെയ്തു.
കിളി തന്‍റെ വീടിന് പുറത്തുള്ള ചെളി നിറഞ്ഞ ഇടമാണ് റീൽ ചിത്രീകരണത്തിനായി തെരഞ്ഞെടുത്തിരിക്കുന്നത്. 2022 മാർച്ചിൽ കിളി ഇൻസ്റ്റാഗ്രാമിൽ ബീസ്റ്റ് എന്ന ചിത്രത്തിലെ അറബിക് കുത്ത് ഗാനത്തിന് ഡാൻസ് ചെയ്തിട്ടുണ്ടായിരുന്നു. തന്‍റെ സഹോദരി നീമ പോളിനൊപ്പമാണ് കിളി പരമ്പരാഗത വേഷത്തിൽ നൃത്ത പ്രകടനം നടത്തിയത്.
“അത് നിങ്ങളാണോ പോൾ?? നിങ്ങളെ ജീൻ & ടീയിൽ കണ്ടതിൽ സന്തോഷം,” നെറ്റിസൺസ് കമൻ്റ് ചെയ്തു. ആഗസ്റ്റ് 11 നാണ് ശ്രദ്ധേയമായ നൃത്ത വീഡിയോ അപ്‌ലോഡ് ചെയ്തത്. ഒമ്പത് ലക്ഷത്തിലധികം വ്യൂസും 64,500 ലൈക്കുകളും ആകർഷിച്ച് ഇതിനകം തന്നെ വീഡിയോ വൈറലായിക്കഴിഞ്ഞു.
