ജാഗ്രത! ഒ​ഡീ​ഷ​യെ വി​റ​പ്പി​ച്ച് സൈ​ക്കോ കി​ല്ല​ർ; 48 മ​ണി​ക്കൂ​റി​ന​കം ക​ഴു​ത്ത​റു​ത്ത് കൊന്നത് മൂന്ന് പേരെ

ക​ട്ട​ക്ക്: മൂ​ന്നു പേ​രെ ക​ഴു​ത്ത​റു​ത്ത് കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ പ്ര​തി​യെ ക​ണ്ടെ​ത്താ​ൻ അ​ന്വേ​ഷ​ണം ഉൗ​ർ​ജി​ത​മാ​ക്കി പോ​ലീ​സ്. ഒഡീ​ഷ​യി​ലെ എ​ല്ലാ റെ​യി​ൽ​വേ സ്റ്റേ​ഷ​നു​ക​ളി​ലും പോ​ലീ​സ് അ​തീ​വ ജാ​ഗ്ര​താ നി​ർ​ദേ​ശം ന​ൽ​കി.

തെ​രു​വി​ൽ ക​ഴി​യു​ന്ന മൂ​ന്നു പേ​രെ​യാ​ണ് 48 മ​ണി​ക്കൂ​റി​ന​കം ക​ഴു​ത്ത​റു​ത്ത് കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. ഒ​ഡീ​ഷ​യി​ലെ ക​ട്ട​ക്കി​ലാ​ണ് സം​ഭ​വം. സ​മാ​ന രീ​തി​യി​ലാണ് ഈ ​മൂ​ന്ന് കൊ​ല​പാ​ത​ക​ങ്ങ​ളും ന​ട​ന്ന​ത് എ​ന്ന​തി​നാ​ൽ സം​ഭ​വ​ത്തി​നു പി​ന്നി​ൽ സൈ​ക്കോ കി​ല്ല​റാ​ണെ​ന്ന നി​ഗ​മ​നത്തി​ലാ​ണ് പോ​ലീ​സ്. എ​ന്നാ​ൽ കൊ​ല​പാ​ത​ക​ത്തി​ന് പി​ന്നി​ൽ ആ​രാ​ണെ​ന്നോ എ​ന്തി​നാ​ണ് കൊ​ല ന​ട​ത്തു​ന്ന​തെ​ന്നോ വ്യ​ക്ത​മ​ല്ല.

ചൊ​വ്വാ​ഴ്ച രാ​വി​ലെ​യാ​ണ് റാ​ണി​ഹ​ത് പാ​ല​ത്തി​നു സ​മീ​പ​ത്തു നി​ന്നും ആ​ദ്യം മൃ​ത​ദേ​ഹം ക​ണ്ടെ​ത്തി​യ​ത്. തു​ട​ർ​ന്ന്, ബു​ധ​നാ​ഴ്ച രാ​വി​ലെ ശ്രീ​രാ​മ​ച​ന്ദ്ര ബ​ഞ്ച് മെ​ഡി​ക്ക​ൽ കോ​ളജി​ന് സ​മീ​പ​ത്തു​നി​ന്നും ഒ​എം​പി മാ​ർ​ക്ക​റ്റി​ന് സ​മീ​പ​ത്തു നി​ന്നു​മാ​ണ് മ​റ്റു ര​ണ്ട് മൃ​ത​ദേ​ഹ​ങ്ങ​ളും ത​ല​യ​റു​ത്ത നി​ല​യി​ൽ ക​ണ്ടെ​ത്തി​യ​ത്. മൂ​ന്ന് മൃ​ത​ദേ​ഹ​ങ്ങ​ളു​ടെ​യും ക​ഴു​ത്ത​റു​ത്ത് ഭാ​ര​മു​ള്ള വ​സ്തു കൊ​ണ്ട് ത​ല​യ​ക്ക​ടി​ച്ച് കൊ​ല​പ്പെ​ടു​ത്തി​യ നി​ല​യി​ലാ​യി​രു​ന്നു എ​ന്ന​തി​നാ​ലാ​ണ് സം​ശ​യം സൈ​ക്കോ കി​ല്ല​റി​ലേ​ക്ക് നീ​ളു​ന്ന​ത്.

മൂ​ന്ന് കൊ​ല​പാ​ത​ക​ങ്ങ​ളും ഒ​രേ രീ​തി​യി​ലാ​ണ് ന​ട​ത്തി​യി​രി​ക്കു​ന്ന​ത്. അ​തി​നാ​ൽ ത​ന്നെ കൊ​ല ന​ട​ത്തി​യത് ഒ​രാ​ൾ ത​ന്നെ എ​ന്നാ​ണ് പോ​ലീ​സ് നി​ഗ​മ​നം. കൊ​ല്ല​പ്പെ​ട്ട മൂ​ന്നു​പേ​രും 40 വ​യ​സി​നു മു​ക​ളി​ൽ പ്രാ​യ​മു​ള്ള​വ​രാ​ണ്. അ​തേ​സ​മ​യം കൊ​ല​യ്ക്ക് പി​ന്നി​ൽ മാ​ന​സി​ക പ്ര​ശ്ന​മു​ള്ള വ്യ​ക്തി​യാ​ണോ എ​ന്നും സം​ശ​യി​ക്കു​ന്ന​താ​യി ക​മ്മീ​ഷണ​ർ സ​ത്യ​ജി​ത് മൊ​ഹ​ന്തി പ​റ​ഞ്ഞു.

സം​ഭ​വ​ത്തെ തു​ട​ർ​ന്ന് രാ​ത്രി​കാ​ല നൈ​റ്റ് പട്രോ​ളിംഗ് ക​ർ​ശ​ന​മാ​ക്കി. അ​ന്വേ​ഷ​ണ​ത്ത​ി​നാ​യി പ്ര​ത്യേ​ക സം​ഘം രൂ​പീ​ക​രി​ച്ച​താ​യും ഡി ​സി പി ​അ​ഖി​ലേ​ഷ്വ​ർ സി​ങ് പ​റ​ഞ്ഞു. സം​ഭ​വ​ത്തെ​ത്തു​ട​ർ​ന്ന് തെ​രു​വി​ലു​റ​ങ്ങു​ന്ന​വ​ർ​ക്ക് സം​ര​ക്ഷ​ണം ന​ൽ​കാ​ൻ പോ​ലീ​സി​ന് നി​ർ​ദേ​ശം ന​ൽ​കി​യി​ട്ടു​ണ്ട്. സി​സി​ടി​വി ദൃ​ശ്യ​ങ്ങ​ൾ ശേ​ഖ​രി​ച്ച് അ​ന്വേ​ഷ​ണം ഉൗ​ർ​ജി​ത​മാ​ക്കാ​നാ​ണ് പോ​ലീ​സ് നീ​ക്കം. ര​ണ്ട് ഇ​ൻ​സ്പെ​ക്ട​ർ​മാ​രു​ടെ നേ​തൃ​ത്വ​ത്തി​ൽ 13 പേ​രു​ടെ സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്.