കി​ട്ടു​വാ​ണ് നാ​ട്ടി​ലെ താ​രം… കാ​ഴ്ച​ക്കു​റ​വു​ള്ള ഗൃ​ഹ​നാ​ഥ​ന് ര​ക്ഷ​ക​നാ​യി വ​ള​ർ​ത്തു​നാ​യ; മൂ​ർ​ഖ​ൻ പാ​മ്പി​ൽ നി​ന്ന് ര​ക്ഷി​ച്ച് കൂ​റു​കാ​ട്ടി​യ​ത് 10 വ​ർ​ഷ​മാ​യി വ​ള​ർ​ത്തു​ന്ന കി​ട്ടു

പൊ​ൻ​കു​ന്നം: ചി​റ​ക്ക​ട​വ് സെ​ന്‍റ​ർ പ​റ​പ്പ​ള്ളി​ത്താ​ഴെ ശ്രീ​കു​മാ​റി​ന് ര​ക്ഷ​ക​നാ​യി വ​ള​ർ​ത്തു​നാ​യ. കാ​ഴ്ച​ക്കു​റ​വു​ള്ള ശ്രീ​കു​മാ​ർ വീ​ട്ടി​ലേ​ക്ക് പ്ര​വേ​ശി​ക്കു​ന്ന​തി​നി​ടെ സ​മീ​പം കി​ട​ന്നി​രു​ന്ന മൂ​ർ​ഖ​ൻ പാ​മ്പി​ൽ നി​ന്ന് ര​ക്ഷി​ച്ച് കൂ​റു​കാ​ട്ടി​യ​ത് 10 വ​ർ​ഷ​മാ​യി വ​ള​ർ​ത്തു​ന്ന കി​ട്ടു എ​ന്ന നാ​യ. നാ​യ​യു​ടെ ക​ടി​യേ​റ്റ് പാ​മ്പ് ച​ത്തു.

പ്ര​ദേ​ശ​ത്തെ കു​ടി​വെ​ള്ള പ​ദ്ധ​തി​യു​ടെ പ​മ്പ് ഓ​പ്പ​റേ​റ്റ​ർ കൂ​ടി​യാ​ണ് പൊ​ൻ​കു​ന്നം – മ​ണി​മ​ല റോ​ഡ​രി​കി​ലെ വാ​ട​ക​വീ​ട്ടി​ൽ ക​ഴി​യു​ന്ന 63 വ​യ​സു​ള്ള ശ്രീ​കു​മാ​ർ. ജ​ന്മ​നാ കാ​ഴ്ച​പ​രി​മി​തി​യു​ണ്ട്. എ​ങ്കി​ലും പ​തി​വാ​യി പോ​കു​ന്ന വ​ഴി​ക​ളി​ലൂ​ടെ ത​ട​സ​മി​ല്ലാ​തെ സ​ഞ്ച​രി​ക്കാ​നാ​വു​മെ​ന്ന​തി​നാ​ലാ​ണ് പ​മ്പ് പ്ര​വ​ർ​ത്തി​പ്പി​ക്ക​ൽ ജോ​ലി ചെ​യ്യു​ന്ന​ത്.

പമ്പ് നി​ർ​ത്തി​യ​തി​ന് ശേ​ഷം ക​ഴി​ഞ്ഞ ദി​വ​സം ഉ​ച്ച​ക​ഴി​ഞ്ഞ് 3.30ഓടെ ​വീ​ട്ടി​ലേ​ക്ക് വ​ന്ന​പ്പോ​ഴാ​ണ് സം​ഭ​വം. അ​ടു​ക്ക​ള​യു​ടെ മു​റ്റ​ത്ത് പാ​മ്പി​നെ ക​ണ്ട് ഈ ​സ​മ​യം കൂ​ടി​നു​ള്ളി​ലാ​യി​രു​ന്ന കി​ട്ടു നി​ർ​ത്താ​തെ കു​ര​ച്ചു​കൊ​ണ്ടി​രു​ന്നു.

കാ​ര്യം മ​ന​സി​ലാ​കാ​തെ തു​ട​ലി​ട്ട് പു​റ​ത്തി​റ​ക്കി​യ നാ​യ ശ്രീ​കു​മാ​റി​ൽ നി​ന്ന് കു​ത​റി പാ​മ്പി​ന് നേ​രെ ചെ​ല്ലു​ക​യാ​യി​രു​ന്നു. തു​ട​ർ​ന്ന് പാ​മ്പി​നെ ക​ടി​ച്ചുകൊ​ന്നു.

വീ​ടി​ന്‍റെ ഉ​ട​മ​യും തൊ​ട്ടു​ചേ​ർ​ന്നു​ള്ള ശ​കു​ന്ത​ൾ സ്റ്റോ​ഴ്‌​സ് ഉ​ട​മ​യു​മാ​യ പു​രു​ഷോ​ത്ത​മ​ൻ നാ​യ​ർ എ​ത്തി​യ​പ്പോ​ഴാ​ണ് കി​ട്ടു മൂ​ർ​ഖ​നി​ൽ നി​ന്നാ​ണ് ത​ന്നെ ര​ക്ഷി​ച്ച​തെ​ന്ന് ശ്രീ​കു​മാ​റി​ന് മ​ന​സി​ലാ​യ​ത്.

അ​തു​വ​രെ നാ​യ എ​ലി​യെ പി​ടി​ക്കു​ക​യാ​യി​രു​ന്നു​വെ​ന്നാ​ണ് ക​രു​തി​യ​ത്. ഈ ​സ​മ​യം ശ്രീ​കു​മാ​റി​ന്‍റെ ഭാ​ര്യ ര​മാ​ദേ​വി സ​മീ​പ​വീ​ട്ടി​ൽ ജോ​ലി​ക്കു​പോ​യി​രി​ക്കു​ക​യാ​യി​രു​ന്നു. ര​ണ്ടു​പെ​ൺ​മ​ക്ക​ളെയും വി​വാ​ഹം ചെ​യ്ത​യ​ച്ച​തി​ന് ശേ​ഷം ഇ​വ​ർ മാ​ത്ര​മാ​ണ് വീ​ട്ടി​ലു​ള്ള​ത്.