വ​രി നി​ൽ​ക്കാ​ൻ പോ​ലും വേ​ണ്ട​ത്ര ഇ​ട​മി​ല്ല! ഇ​ല​ക്ട്രി​സി​റ്റി കാ​ഷ് കൗ​ണ്ട​റി​ൽ ജീ​വ​ന​ക്കാ​രെ വെ​ട്ടി​ക്കു​റ​ച്ചു; ഉ​പ​ഭോ​ക്താ​ക്ക​ൾ ദു​രി​ത​ത്തി​ൽ

നാ​ദാ​പു​രം:​ ഇ​ല​ക്ട്രി​സി​റ്റി കാഷ് കൗ​ണ്ട​റി​ലെ ജീ​വ​ന​ക്കാ​രു​ടെ എ​ണ്ണം കു​റ​ച്ച​തി​നാ​ൽ പ​ണ​മ​ട​ക്കാ​നാ​വാ​തെ ഉ​പ​ഭോ​ക്താ​താ​ക്ക​ൾ കു​ഴ​ങ്ങു​ന്നു. മ​ല​യോ​ര മേ​ഖ​ല​യാ​യ വാ​ണി​മേ​ൽ പ​ര​പ്പു​പാ​റ ഇ​ല​ക്ട്രി​സി​റ്റി ഓ​ഫീ​സി​ലാ​ണ് ഈ ​ദു​രി​തം. വ​രി നി​ൽ​ക്കാ​ൻ പോ​ലും വേ​ണ്ട​ത്ര ഇ​ട​മി​ല്ലാ​ത്ത ക്യാ​ഷ് കൗ​ണ്ട​റി​ന് മു​ന്നി​ൽ ഉ​പ​ഭോ​ക്താ​ക്ക​ളെ മ​ണി​ക്കൂ​റു​ക​ളോ​ളം വ​രി​യി​ൽ നി​ർ​ത്തി പ​ണം സ്വീ​ക​രി​ക്കു​ന്ന​ത്. കാഷ് കൗ​ണ്ട​റി​ലെ ജീ​വ​ന​ക്കാ​രു​ടെ എ​ണ്ണം കു​റ​ച്ച​താ​ണ് ഉ​പ​ഭോ​ക്താ​ക്ക​ൾ​ക്ക് വി​ന​യാ​യ​ത്.

ക​ഴി​ഞ്ഞ മാ​സം വ​രെ രാ​വി​ലെ എ​ട്ട് മ​ണി മു​ത​ൽ വൈ​കി​ട്ട് ഏ​ഴ് മ​ണി വ​രെ പ​ണ​മ​ട​ക്കാ​ൻ ക​ഴി​ഞ്ഞി​രു​ന്നു. എ​ന്നാ​ലി​പ്പോ​ൾ പ​ണം സ്വീ​ക​രി​ക്കു​ന്ന സ​മ​യം ഒ​ന്‍​പ​ത് മ​ണി മു​ത​ൽ നാ​ല് മ​ണി വ​രെ​യാ​ക്കി വെ​ട്ടി​ക്കു​റ​ച്ച​തോ​ടെ കൗ​ണ്ട​റി​ന് മു​ന്നി​ൽ തി​ക്കും തി​ര​ക്കും അ​നു​ഭ​വ​പ്പെ​ടു​ക​യാ​ണ്. മ​ല​മു​ക​ളി​ലും ആ​ദി​വാ​സി​ക​ളും ഏ​റെ​യു​ള്ള പ്ര​ദേ​ശ​ത്ത് ഓ​ൺ​ലൈ​നി​ൽ പ​ണ​മ​ട​ക്കാ​നു​ള്ള സൗ​ക​ര്യ​മു​ണ്ടെ​ന്ന വി​ചി​ത്ര വാ​ദ​മാ​ണ് പ​രാ​തി പ​റ​യു​ന്ന​വ​രോ​ട് അ​ധി​കൃ​ത​ർ മ​റു​പ​ടി​യാ​യി ന​ൽ​കു​ന്ന​ത്.

ഇ​ല​ക്ട്രി​സി​റ്റി ആ​പ്പ് ഉ​പ​യോ​ഗി​ച്ച് പ​ണ​മ​ട​ക്കാ​ൻ പ​റ​യു​ന്ന ഉ​പ​ഭോ​ക്താ​ക്ക​ളി​ൽ പ​ല​ർ​ക്കും അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലും വേ​ണ്ട​ത്ര ല​ഭ്യ​മാ​വ​ത്ത​വ​രാ​ണ്.​നെ​റ്റും ഇ ​ബാ​ങ്കിം​ഗ് സൗ​ക​ര്യ​ങ്ങ​ൾ ഇ​ല്ലാ​ത്ത​തി​നാ​ലാ​ണ് ഇ​വ​ർ പ​ണ​മ​ട​ക്കാ​ൻ ക്യാ​ഷ് കൗ​ണ്ട​റി​ൽ നേ​രി​ട്ടെ​ത്തു​ന്ന​ത്. ര​ണ്ടും മൂ​ന്നും ദി​വ​സം പ​ണ​മ​ട​ക്കാ​ൻ വേ​ണ്ടി വ​ന്നു മ​ട​ങ്ങു​ന്ന​വ​രോ​ടാ​ണ് ഓ​ൺ​ലൈ​ൻ സൗ​ക​ര്യം ഉ​പ​യോ​ഗ​പ്പെ​ടു​ത്താ​ൻ അ​ധി​കൃ​ത​ർ നി​ർ​ദ്ദേ​ശി​ക്കു​ന്ന​ത്.

നേ​ര​ത്തെ കൗ​ണ്ട​റി​ൽ വേ​ണ്ട​ത്ര ജീ​വ​ന​ക്കാ​രു​ള്ള​പ്പോ​ൾ തി​ക്കും തി​ര​ക്കു​മി​ല്ലാ​തെ എ​ല്ലാ ഉ​പ​ഭോ​ക്താ​ക്ക​ൾ​ക്കും പ​ണ​മ​ട​ക്കാ​ൻ ക​ഴി​ഞി​രു​ന്നു. ഓ​ൺ​ലൈ​ൻ സം​വി​ധാ​ന​ത്തി​ന്റെ മ​റ​വി​ൽ ക്യാ​ഷ് കൗ​ണ്ട​ർ ജീ​വ​ന​ക്കാ​രെ ഒ​ഴി​വാ​ക്കി​യ​തി​നാ​ൽ പ​ത്ത് കിലോമീറ്റർ അ​ക​ലെ​യു​ള്ള മ​ല​യോ​ര​വാ​സി​ക​ൾ പ​ല​രും പ​ര​പ്പു​പാ​റ ഇ​ല​ക്ട്രി​സി​റ്റി ഒ​ഫീ​സി​നു മു​ന്നി​ലെ വ​രി​യി​ൽ ഏ​റെ നേ​രം നി​ൽ​ക്കേ​ണ്ടി വ​രി​ക​യാ​ണ്.​

ജീ​വ​ന​ക്കാ​രെ വെ​ട്ടി​ക്കു​റ​ച്ച് ഉ​പ​ഭോ​ക്താ​ക്ക​ളെ പ്ര​യാ​സ​പ്പെ​ടു​ത്തു​ന്ന അ​ധി​കൃ​ത​രു​ടെ സ​മീ​പ​നം ശ​രി​യ​ല്ലെ​ന്നും നേ​ര​ത്തെ ന​ൽ​കി​യ അ​ധി​ക സ​മ​യം ഉ​പ​ഭോ​ക്താ​ക്ക​ൾ​ക്ക് ന​ൽ​ക​ണ​മെ​ന്നും ഇ​തി​നാ​യി മേ​ല​ധി​കാ​രി​ക​ളെ സ​മീ​പി​ക്കു​മെ​ന്നും ഉ​പ​ഭോ​ക്താ​ക്ക​ൾ പ​റ​ഞ്ഞു.