അനസ്, ഫൈസൽ, വർഷ.. കഞ്ചാവോ? ഞങ്ങൾ ദന്പതികൾ പരിശോധിക്കരുത് ! ന​വം​ബ​ർ 8 തി​ങ്ക​ൾ, ദേ​ശീ​യ​പാ​ത​യി​ൽ നടന്ന ഞെട്ടിക്കുന്ന സംഭവം…

ആ​ലു​വ: ന​വം​ബ​ർ 8 തി​ങ്ക​ൾ, ദേ​ശീ​യ​പാ​ത​യി​ൽ എ​റ​ണാ​കു​ളം ജി​ല്ലാ അ​തി​ർ​ത്തി​യാ​യ അ​ങ്ക​മാ​ലി ക​റു​കു​റ്റി.

സ​മ​യം രാ​വി​ലെ 7 മ​ണി. എ​റ​ണാ​കു​ളം റൂ​റ​ൽ ജി​ല്ലാ ആ​ന്‍റി നാ​ർ​ക്കോ​ട്ടി​ക്ക് സെ​പെ​ൽ ആ​ക്ഷ​ൻ ഫോ​ഴ്സ് ജാ​ഗ​രൂ​ഗ​രാ​യി ദേ​ശീ​യ​പാ​ത​യി​ൽ വി​ന്യ​സി​ച്ചി​രി​ക്കു​ന്നു.

അ​തി​ർ​ത്തി ക​ട​ന്നെ​ത്താ​ൻ സാ​ധ്യ​ത​യു​ള്ള വ​ൻ ല​ഹ​രി​ശേ​ഖ​ര​ത്തെ​ക്കു​റി​ച്ചു ജി​ല്ലാ പോ​ലീ​സ് മേ​ധാ​വി കെ. ​കാ​ർ​ത്തി​കി​നു ല​ഭി​ച്ച ര​ഹ​സ്യ സൂ​ച​ന​ക​ളു​ടെ അ​ടി​സ്ഥാ​ന​ത്തി​ലു​ള്ള ജാ​ഗ്ര​ത​യി​ലാ​യി​രു​ന്നു പ്ര​ത്യേ​ക അ​ന്വേ​ഷ​ണ സം​ഘം.

ഞങ്ങൾ ദന്പതികൾ!

സ​മ​യം 7.10. ജി​ല്ലാ അ​തി​ർ​ത്തി ക​ട​ന്നെ​ത്തി​യ ഒ​രു ആ​ഡം​ബ​ര കാ​റി​നു ക​റു​കു​റ്റി​യി​ൽ പോ​ലീ​സ് കൈ​കാ​ണി​ക്കു​ന്നു. കാ​റി​ൽ ദ​മ്പ​തി​ക​ളെ​ന്നു തോ​ന്നി​ക്കു​ന്ന ര​ണ്ടു പേ​ർ മാ​ത്രം.

വാ​ഹ​നം പ​രി​ശോ​ധി​ക്ക​ണ​മെന്നു പോ​ലീ​സ് ആ​വ​ശ്യ​പ്പെ​ടു​ന്നു. എ​ന്തി​നെ​ന്ന വാ​ദ​വു​മാ​യി ദ​മ്പ​തി​ക​ൾ എ​തി​ർ​ത്തു. വാ​ക്കു​ത​ർ​ക്ക​ത്തി​നി​ട​യി​ൽ ബ​ലം പ്ര​യോ​ഗി​ച്ച പോ​ലീ​സി​നു​നേ​രേ ദ​മ്പ​തി​ക​ളു​ടെ ആ​ക്ര​മ​ണ​ശ്ര​മം.

ഒ​ടു​വി​ൽ ഇ​വ​രെ കീ​ഴ​ട​ക്കി വാ​ഹ​നം പ​രി​ശോ​ധി​ച്ച പോ​ലീ​സ് ഞെ​ട്ടി. ര​ണ്ടു കി​ലോ​യു​ടെ പ്ര​ത്യേ​കം പാ​ക്ക​റ്റു​ക​ളി​ലാ​ക്കി ഡി​ക്കി​യി​ലും സീ​റ്റു​ക​ൾ​ക്കി​ട​യി​ലു​മാ​യി കാ​റു നി​റ​യെ ക​ഞ്ചാ​വ്.

ഒ​ടു​വി​ൽ ദ​മ്പ​തി​ക​ളാ​യ കാ​ല​ടി ഒ​ക്ക​ൽ പ​ടി​പ്പു​ര​യ്ക്ക​ൽ ഫൈ​സ​ൽ, തി​രു​വ​ന​ന്ത​പു​രം ശം​ഖു​മു​ഖം പു​തു​വ​ൽ പു​ത്ത​ൻ വീ​ട്ടി​ൽ വ​ർ​ഷ എ​ന്നി​വ​ർ പി​ടി​യി​ലാ​യി.

പിറകെ വന്ന കാർ

ഇ​തേസ​മ​യം, ക​റു​കു​റ്റി​യി​ലെ പ്ര​വേ​ശ​ന ക​വാ​ടം പി​ന്നി​ട്ട മ​റ്റൊ​രു വെ​ള്ള ഇ​ന്നോ​വ കാ​ർ എ​ന്തോ അ​പ​ക​ടം മ​ണ​ത്ത​തു​പോ​ലെ ദേ​ശീ​യ​പാ​ത​യി​ൽ വ​ട്ടം തി​രി​ക്കു​ന്നു.

ചാ​ല​ക്കു​ടി മു​ത​ൽ ഈ ​കാ​റി​നെ പി​ന്തു​ട​രു​ന്ന പോ​ലീ​സ് സാ​ഹ​സി​ക​മാ​യി അ​തി​നെ ത​ട​യു​ന്നു. പ​രി​ശോ​ധ​ന​യി​ൽ കാ​റി​നു​ള്ളി​ൽ പ്ര​ത്യേ​കം ഒ​ളി​പ്പി​ച്ച നി​ല​യി​ൽ സ​മാ​ന​മാ​യ വ​ൻ ക​ഞ്ചാ​വ് ശേ​ഖ​രം. കാ​റി​ൽ സ​ഞ്ച​രി​ച്ചി​രു​ന്ന പെ​രു​മ്പാ​വൂ​ർ കാ​ഞ്ഞി​ര​ക്കാ​ട് ക​ള​പ്പു​ര​ക്ക​ൽ അ​ന​സ് അ​റ​സ്റ്റി​ലാ​കു​ന്നു.

ഓ​പ്പ​റേ​ഷ​ൻ സ​ക്സ​സ്

തു​ട​ർന്നു നാ​ട​റി​യു​ന്ന​ത‌ു റൂ​റ​ൽ എ​സ്പി കെ.​കാ​ർ​ത്തി​കി​ന്‍റെ നേ​തൃ​ത്വ​ത്തി​ൽ ദേ​ശീ​യ​പാ​ത അ​ങ്ക​മാ​ലി ക​റു​കു​റ്റി​യി​ൽ ന​ട​ന്ന 200 കി​ലോ​യോ​ള​മു​ള്ള വ​ൻ ക​ഞ്ചാ​വ് വേ​ട്ട​യു​ടെ വാ​ർ​ത്ത​യാ​ണ്.

ര​ണ്ടു കാ​റു​ക​ളി​ലാ​യി ആ​ന്ധ്ര​യി​ൽ​നി​ന്നു പെ​രു​മ്പാ​വൂ​രി​ലേ​ക്കു കൊ​ണ്ടു​പോ​വു​ക​യാ​യി​രു​ന്ന ക​ഞ്ചാ​വും ഒ​രു യു​വ​തി​യ​ട​ക്കം മൂ​ന്നു പ്ര​തി​ക​ളു​മാ​ണ് പി​ടി​യി​ലാ​യ​ത്.

വാ​ഹ​ന പ​രി​ശോ​ധ​ന ന​ട​ത്തി​യ​പ്പോ​ൾ ടീ​മി​നെ ആ​ക​മി​ച്ച് ര​ക്ഷ​പ്പെ​ടാ​ൻ ന​ട​ത്തി​യ സം​ഘ​ത്തി​ന്‍റെ ശ്ര​മം പ്ര​ത്യേ​ക പോ​ലീ​സ് സം​ഘം സാ​ഹ​സി​ക​മാ​യി പ​രാ​ജ​യ​പ്പെ​ടു​ത്തു​ക​യാ​യി​രു​ന്നു.

ആ​ന്ധ്ര​യും അ​ന​സും

പി​ടി​യി​ലാ​യ​വ​രി​ൽ അ​ന​സാ​യി​രു​ന്നു സം​ഘ​ത്ത​ല​വ​ൻ. പെ​രു​മ്പാ​വൂ​രി​ലെ ക​ഞ്ചാ​വ് മാ​ഫി​യ​യി​ലെ പ്ര​ധാ​നി​യാ​യ ഇ​യാ​ൾ പോ​ലീ​സി​ന്‍റെ ഗു​ണ്ടാ​ലി​സ്റ്റി​ലു​ള്ള​യാ​ളാ​ണ്. ഇ​യാ​ൾ​ക്കെ​തി​രേ നി​ര​വ​ധി ക​ഞ്ചാ​വ് കേ​സു​ക​ൾ നി​ല​വി​ലു​ണ്ട്.

ആ​ന്ധ്ര​യി​ൽ​നി​ന്നു ര​ണ്ടാ​യി​രം രൂ​പ മു​ത​ൽ മൂ​വാ​യി​രം രൂ​പ​വ​രെ കൊ​ടു​ത്തു വാ​ങ്ങു​ന്ന ക​ഞ്ചാ​വ് ഈ ​സം​ഘം പെ​രു​മ്പാ​വൂ​ർ കേ​ന്ദ്ര​മാ​ക്കി വി​ല്പ​ന ന​ട​ത്തി​യി​രു​ന്ന​ത് ഇ​രു​പ​തി​നാ​യി​രം മു​ത​ൽ ഇ​രു​പ​ത്ത​യ്യാ​യി​രം രൂ​പ​യ്ക്ക് വ​രെ​യാ​ണ്. ഒ​രു മാ​സ​ത്തി​ലേ​റെ​യാ​യി അ​ന​സും സം​ഘ​വും റൂ​റ​ൽ പോ​ലീ​സി​ന്‍റെ നി​രീ​ക്ഷ​ണ​ത്തി​ലാ​യി​രു​ന്നു.

പ​ഡേ​രു ഗ്രാ​മ​ത്തി​ൽ​നി​ന്ന്

ആ​ന്ധ്ര​യി​ലെ ഒ​റീ​സ, ജാ​ർ​ഖ​ണ്ഡ് അ​തി​ർ​ത്തി​യാ​യ പ​ഡേ​രു ഗ്രാ​മ​ത്തി​ൽനി​ന്നാ​ണ് സം​ഘം ക​ഞ്ചാ​വ് കൊ​ണ്ടു​വ​ന്നി​രു​ന്ന​ത്. മാ​വോ​യി​സ്റ്റ് സ്വാ​ധീ​ന​മു​ള്ള ഈ ​മേ​ഖ​ല​ക​ളി​ൽനി​ന്നാ​യി​രു​ന്നു പ​ല സം​സ്ഥാ​ന​ങ്ങ​ളി​ലേ​ക്കും ക​ഞ്ചാ​വി​ന്‍റെ വി​ത​ര​ണം.
‌
കേ​ര​ള ര​ജി​സ്ട്രേ​ഷ​നി​ലു​ള്ള വാ​ഹ​ന​ങ്ങ​ൾ പ​ഡേ​രു ഗ്രാ​മ​ത്തി​ലെ​ത്തി​യാ​ൽ മ​ല​യാ​ളി​ക​ൾ ഉ​ൾ​പ്പ​ടെ​യു​ള്ള ഏ​ജ​ന്‍റു​മാ​ർ സ​മീ​പി​ച്ചു ക​ഞ്ചാ​വി​ന്‍റെ സാ​മ്പി​ൾ ന​ൽ​കി വി​ല​യു​റ​പ്പി​ക്കു​ന്ന​താ​ണ് പ​തി​വ്.

2020 മു​ത​ൽ അ​ന​സ് ഈ ​മേ​ഖ​ല​യി​ലെ പ്ര​ധാ​ന ഏ​ജ​ന്‍റു​മാ​രി​ലൊ​ളാ​യി​രു​ന്നു​വെ​ന്ന് പോ​ലീ​സ് നേ​ര​ത്തെ ക​ണ്ടെ​ത്തി​യി​രു​ന്നു.

ക​ഞ്ചാ​വ് നി​റ​ച്ചു വാ​ഹ​നം

ഇ​ട​നി​ല​ക്കാ​ർ ത​ന്നെ വാ​ഹ​നം ര​ഹ​സ്യ കേ​ന്ദ്ര​ങ്ങ​ളി​ൽ കൊ​ണ്ടു​പോ​യി ക​ഞ്ചാ​വ് നി​റ​ച്ച് വി​ത​ര​ണ​ക്കാ​ർ​ക്കു തി​രി​ച്ചേ​ൽ​പ്പി​ക്കു​ക​യാ​ണ് പ​തി​വ്.

ക​ഴി​ഞ്ഞ ​ദി​വ​സം പി​ടി​കൂ​ടി​യ അ​ന​സ് ഒ​ന്ന​ര വ​ർ​ഷ​മാ​യി പ​ഡേ​രു​വി​ലേ​ക്കു സ്ഥി​രം സ​ഞ്ച​രി​ച്ച​താ​യി വി​വ​രം ല​ഭി​ച്ചി​ട്ടു​ണ്ട്. ഫൈ​സ​ലും യാ​ത്ര​ക​ളി​ൽ ഒ​പ്പ​മു​ണ്ടാ​കാ​റു​ണ്ട്.

പോ​ലീ​സ് പ​രി​ശോ​ധ​ന​ക​ളി​ൽനി​ന്നു ര​ക്ഷ​പ്പെ​ടാ​നാ​ണ് ഫൈ​സ​ൽ ഈ ​യാ​ത്ര​യി​ൽ ദ​മ്പ​തി​ക​ളെന്നു തോ​ന്നി​പ്പി​ക്കാ​ൻ വ​ർ​ഷ​യെ കൂ​ടെ കൂ​ട്ടി​യ​ത്.

ഇ​വ​ർ പി​ടി​ക്ക​പ്പെ​ട്ടാ​ൽ ര​ക്ഷ​പ്പെ​ടാ​ൻ വേ​ണ്ടി​യാ​ണ് ഒ​രു കി​ലോ​മീ​റ്റ​ർ വ്യ​ത്യാ​സ​ത്തി​ൽ അ​ന​സ് മ​റ്റൊ​രു കാ​റി​ൽ പി​ന്തു​ട​ർ​ന്ന​ത്.

എ​സ്പി​യു​ടെ നേ​തൃ​ത്വ​ത്തി​ൽ നാ​ര്‍​കോ​ടി​ക് സെ​ല്‍ ഡി​വൈ​എ​സ്പി സ​ക്ക​റി​യ മാ​ത്യു, ആ​ലു​വ ഡി​വൈ​എ​സ്പി പി.​കെ. ശി​വ​ന്‍​കു​ട്ടി, എ​സ്എ​ച്ച്ഒ​മാ​രാ​യ സോ​ണി മ​ത്താ​യി, കെ.​ജെ. പീ​റ്റ​ര്‍, പി.​എം. ബൈ​ജു എ​ന്നി​വ​ര​ട​ങ്ങി​യ പ്ര​ത്യേ​ക സം​ഘ​മാ​ണ് കേ​സ് തു​ട​ര​ന്വേ​ഷ​ണം ന​ട​ത്തു​ന്ന​ത്.

പി​ടി​യി​ലാ​യ പ്ര​തി​ക​ളെ അ​ങ്ക​മാ​ലി ജെ​എ​ഫ്സി​എം കോ​ട​തി റി​മാ​ൻ​ഡ് ചെ​യ്തു. കൂ​ടു​ത​ൽ അ​ന്വേ​ഷ​ണ​ങ്ങ​ൾ​ക്കാ​യി ഇ​വ​രെ ക​സ്‌​റ്റ​ഡി​യി​ൽ വാ​ങ്ങു​മെ​ന്നു ജി​ല്ലാ പോ​ലീ​സ് മേ​ധാ​വി കെ. ​കാ​ർ​ത്തി​ക് ദീ​പി​ക​ ഡോട്ട്കോമിനോടു പ​റ​ഞ്ഞു.