കൊച്ചി: തൈക്കൂടം സ്റ്റേഷനില്‍ വച്ച് മെട്രോ ട്രെയിന്‍ തകരാറിലായതിനെ തുടര്‍ന്ന് മെട്രോ സര്‍വീസുകള്‍ രാവിലെ വൈറ്റില വരെയാക്കി.
ഇന്ന് രാവിലെ 8.45 ഓടെയാണ് ആലുവയില്‍ നിന്നും തൈക്കൂടത്തേക്ക് പുറപ്പെട്ട ട്രെയിന്‍ തൈക്കൂടം സ്റ്റേഷനില്‍ വച്ച് സാങ്കേതിക പ്രശ്‌നം മൂലം തകരാറിലായത്.
അവസാന സ്റ്റേഷനായതിനാല്‍ യാത്രികര്‍ കുറവായിരുന്നുവെന്നും ഇവരെ ലക്ഷ്യസ്ഥാനത്ത് എത്തിക്കാനായിവെന്നും കൊച്ചി മെട്രോ അധികൃതര്‍ അറിയിച്ചു.
ട്രെയിനിന്‍റെ തകരാര്‍ പരിഹരിക്കുന്നതിനുള്ള അറ്റക്കുറ്റപ്പണികള്‍ ആരംഭിച്ചതായി അധികൃതര്‍ പറഞ്ഞു.
