കൊച്ചി: സ്ഥിരം യാത്രക്കാർക്കായി കൊച്ചി മെട്രോ ഇളവുകളോടെ പ്രതിമാസ, ദ്വൈമാസ പ്രത്യേക പാസുകൾ പ്രഖ്യാപിച്ചു. കൊച്ചി വണ്‍ കാർഡുള്ളവർക്ക് മാത്രമാണ് ഈ സംവിധാനം പ്രയോജനപ്പെടുത്താനാവുക.
ഈ പാസുകൾ ഉപയോഗിച്ച് രണ്ടു നിശ്ചിത സ്റ്റേഷനുകൾക്കിടയിൽ യാത്ര ചെയ്യാം. പാസുകളുടെ ഔദ്യോഗിക പ്രകാശനം നാളെ രാവിലെ 10.30ന് ഇടപ്പള്ളി മെട്രോ സ്റ്റേഷനിൽ കെഎംആർഎൽ എംഡി എ.പി.എം. മുഹമ്മദ് ഹനീഷ് നിർവഹിക്കും.
30 ദിവസത്തെ കാലാവധിയുള്ള പ്രതിമാസ പാസിൽ 30 യാത്രകളും ദ്വൈമാസ പാസിൽ 60 ദിവസത്തെ കാലാവധിക്കിടയിൽ 60 യാത്രകളും നടത്താം. പ്രതിമാസ പാസിന് യഥാർഥ ടിക്കറ്റ് നിരക്കിന്‍റെ 25 ശതമാനവും ദ്വൈമാസ പാസിന് ടിക്കറ്റ് നിരക്കിന്‍റെ 33 ശതമാനവും ഇളവുണ്ടാവും. പാസെടുക്കുന്പോൾ സ്ഥിരമായി യാത്ര ചെയ്യുന്ന രണ്ടു സ്റ്റേഷനുകൾ യാത്രക്കാർക്ക് തെരഞ്ഞെടുക്കാം.
നിശ്ചിത സ്റ്റേഷനുകളിൽ നിന്നല്ലാതെ മറ്റു സ്റ്റേഷനുകളിലേക്ക് യാത്ര ചെയ്യുന്പോൾ പാസ് ആനുകൂല്യം ലഭിക്കില്ല. എന്നാൽ നിശ്ചയിക്കപ്പെട്ട രണ്ടു സ്റ്റേഷനുകൾക്ക് മുന്പേ യാത്ര അവസാനിപ്പിച്ചാൽ പാസ് ഇളവ് ലഭിക്കും.
മറ്റു യാത്രകൾക്ക് കൊച്ചി വണ്‍ കാർഡിലുള്ള ആനുകൂല്യം (20 ശതമാനം ഇളവ്) മാത്രമായിരിക്കും ലഭിക്കുക. കൊച്ചി വണ്‍ കാർഡുള്ളവർക്ക് മാത്രമാണ് പാസ് ലഭിക്കുക. കാർഡിൽ നിശ്ചിത ബാലൻസില്ലെങ്കിൽ ടോപ് അപ് ചെയ്യണം.
ചു
