മോഹൻലാൽ-റോഷൻ ആൻഡ്രൂസ്-നിവിൻ പോളി കൂട്ടുകെട്ടിലൊരുങ്ങിയ സൂപ്പർഹിറ്റ് ചിത്രം കായംകുളം കൊച്ചുണ്ണി 100 കോടി ക്ലബ്ബിൽ. മോഹൻലാൽ നായകനായി എത്തിയ പുലിമുരുകനു ശേഷം 100 കോടി ക്ലബ്ബിൽ കയറിപ്പറ്റുന്ന ചിത്രമെന്ന ബഹുമതിയും ഇതോടെ കായംകുളം കൊച്ചുണ്ണി സ്വന്തമാക്കി. പുലിമുരുകൻ 150 കോടി ക്ലബിൽ കയറിയ ചിത്രമാണ്.
ആകെ 102.32 കോടിയാണ് ചിത്രം സ്വന്തമാക്കിയത്. ഒക്ടോബർ 11നാണ് ചിത്രം റിലീസ് ചെയ്തത്. ശ്രീഗോകുലം മൂവീസിന്‍റെ ബാനറിൽ നിർമിച്ച ചിത്രത്തിനായി തിരക്കഥയൊരുക്കിയത് ബോബി-സഞ്ജയ് ആണ്.
പ്രിയ ആനന്ദ്, സണ്ണി വെയ്ൻ, ബാബു ആന്‍റണി, ഷൈൻ ടോം ചാക്കോ, മണികണ്ഠൻ, ഇടവേള ബാബു, സിദ്ധാർത്ഥ് ശിവ എന്നിവരാണ് ചിത്രത്തിൽ മറ്റ് പ്രധാനകഥാപാത്രങ്ങളെ അവതരിപ്പിച്ചത്.
