ആലപ്പുഴ: സുകുമാരൻ നായരുടെ മാടന്പിത്തരം കൈയിൽവച്ചാൽ മതിയെന്നും മാടന്പികളുടെ പുറകേ പോകേണ്ട അവസ്ഥ സിപിഎമ്മിനില്ലെന്നും സിപിഎം സെക്രട്ടറി കോടിയേരി ബാലകൃഷ്ണൻ.
വരുന്ന ലോക്സഭാ തെരഞ്ഞെടുപ്പിൽ എൻഎസ്എസിനെ അനുനയിപ്പിക്കാനുള്ള നീക്കം സിപിഎമ്മിന്‍റെ ഭാഗത്തുനിന്നുണ്ടോ എന്നുള്ള മാധ്യമപ്രവർത്തകരുടെ ചോദ്യത്തിന് ആലപ്പുഴയിൽ മറുപടി പറയുകയായിരുന്നു അദ്ദേഹം. വരുന്ന ലോക്സഭാ തെരഞ്ഞെടുപ്പിൽ 2004 ആവർത്തിക്കും. എല്ലാ സാമുദായിക സംഘടനകളുടെയും പിന്തുണ എൽഡിഎഫിനുണ്ടെന്നും കോടിയേരി പറഞ്ഞു.
