ഇന്ത്യന്‍ നായകന്‍ വിരാട് കോഹ്‌ലി അന്താരാഷ്‌ട്ര ക്രിക്കറ്റില്‍ 400 മത്സരം തികച്ച എട്ടാമത്തെ ഇന്ത്യൻ കളിക്കാരനായി. വിശാഖപട്ടണത്ത് വെസ്റ്റ് ഇന്‍ഡീസിനെതിരേ നടന്ന ഏകദിനത്തിലൂടെയാണ് കോഹ്‌ലി 400 മത്സരം പൂര്‍ത്തിയാക്കിയത്.
241 ഏകദിനങ്ങള്‍, 84 ടെസ്റ്റ്, 75 ട്വന്‍റി 20 മത്സരങ്ങളാണ് കോഹ്‌ലിയുടെ പേരില്‍. സച്ചിന്‍ തെണ്ടുല്‍ക്കര്‍ (664), എം.എസ്. ധോണി (538), രാഹുല്‍ ദ്രാവിഡ് (509), മുഹമ്മദ് അസ്ഹറുദിന്‍ (433), സൗരവ് ഗാംഗുലി (424), അനില്‍ കുംബ്ലെ (403), യുവരാജ് സിംഗ് (402) എന്നിവരാണ് കോഹ്‌ലിക്കു മുമ്പേ 400 മത്സരങ്ങള്‍ പൂര്‍ത്തിയാക്കിയ ഇന്ത്യക്കാര്‍.
400 മത്സരങ്ങളെന്ന നാഴികക്കല്ലിലെത്തുന്ന 33-ാമത്തെ കളിക്കാരാനാണ് കോഹ്‌ലി.
