കോ​ഹ്ലി​യു​ടെ പ​രി​ക്ക് ഗു​രു​ത​ര​മ​ല്ലെ​ന്ന് ബി​സി​സി​ഐ

റാ​ഞ്ചി: ഇ​ന്ത്യ​ൻ ക്യാ​പ്റ്റ​ൻ വി​രാ​ട് കോ​ഹ്ലി​യു​ടെ പ​രി​ക്ക് ഗു​രു​ത​ര​മ​ല്ലെ​ന്ന് ബി​സി​സി​ഐ. കോ​ഹ്ലി​യു​ടെ പ​രി​ക്കി​ൽ ആ​ശ​ങ്ക​പ്പെ​ടാ​നി​ല്ലെ​ന്നും ടെ​സ്റ്റിന്‍റെ ബാ​ക്കി​ദി​വ​സ​ങ്ങ​ളി​ൽ മെ​ഡി​ക്ക​ൽ സം​ഘ​ത്തി​ന്‍​റെ സ​ഹാ​യ​ത്തോ​ടെ കോ​ഹ്ലി ക​ളി​ക്കു​മെ​ന്നും ബി​സി​സി​ഐ അ​റി​യി​ച്ചു.

ഓ​സീ​സി​നെ​തി​രാ​യ മൂ​ന്നാം ടെ​സ്റ്റി​ന്‍​റെ ആ​ദ്യ​ദി​നം ഉ​ച്ച​യ്ക്കു​ശേ​ഷം ക​ളി പു​ന​രാ​രം​ഭി​ച്ച​പ്പോ​ഴാ​യി​രു​ന്നു കോ​ഹ്ലി​ക്കു പ​രി​ക്ക് വി​ല്ലാ​നാ​യെ​ത്തി​യ​ത്. 40ാം ഓ​വ​റി​ൽ ഓ​സ്ട്രേ​ലി​യ​ൻ താ​രം പീ​റ്റ​ർ ഹാ​ൻ​സ്കോ​ന്പ് തോ​ടു​ത്ത ഷോ​ട്ട് ബൗ​ണ്ട​റി ലൈ​നി​ൽ എ​ത്തും​മു​ൻ​പെ കൈ​ക്ക​ലാ​ക്കാ​നു​ള്ള ശ്ര​മ​ത്തി​നി​ട​യി​ലാ​ണ് കോ​ഹ്ലി​ക്കു പ​രി​ക്കേ​റ്റ​ത്. വ​ല​തു ചു​മ​ൽ ഇ​ടി​ച്ചു വീ​ണ ഇ​ന്ത്യ​ൻ ക്യാ​പ്റ്റ​ൻ നി​വ​ർ​ന്നു നി​ൽ​ക്കാ​നാ​വാ​തെ വി​ഷ​മി​ച്ചു.

തു​ട​ർ​ന്നു മെ​ഡി​ക്ക​ൽ സം​ഘ​മെ​ത്തി താ​ര​ത്തെ പ​രി​ശോ​ധ​ന​യ്ക്കാ​യി കൊ​ണ്ടു​പോ​യി. കോ​ഹ്ലി​യെ സ്കാ​നിം​ഗി​നു വി​ധേ​യ​നാ​ക്കി. പി​ന്നീ​ട് കോ​ഹ്ലി ഫീ​ൽ​ഡ് ചെ​യ്യാ​നെ​ത്തി​യി​ല്ല. കോ​ഹ്ലി​യു​ടെ അ​ഭാ​വ​ത്തി​ൽ വൈ​സ് ക്യാ​പ്റ്റ​ൻ അ​ജി​ങ്ക്യ ര​ഹാ​നെ​യാ​ണ് ക്യാ​പ്റ്റ​ൻ സ്ഥാ​നം വ​ഹി​ച്ച​ത്.