ഒക്ടോബര്‍ 14ന് അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ നടക്കുന്ന ഇന്ത്യ-പാകിസ്ഥാന്‍ പോരാട്ടത്തിന്‍റെ ടിക്കറ്റിനു വേണ്ടി ക്രിക്കറ്റ് ആരാധകരുടെ തിരക്കാണ്. നേരത്തെ ടിക്കറ്റുകള്‍ വാങ്ങിയവർ മറിച്ചുവിൽപന നടത്തുന്നുമുണ്ട്.
ഇതിനിടയിൽ ഇന്ത്യന്‍ താരം വിരാട് കോലി തന്‍റെ ഇൻസ്റ്റാഗ്രാം അക്കൗണ്ടിൽ പോസ്റ്റ് ചെയ്ത സ്റ്റോറിയാണ് ഏറെ ശ്രദ്ധ നേടുന്നത്. ലോകകപ്പ് മത്സരങ്ങളുടെ ടിക്കറ്റിനു വേണ്ടി സുഹൃത്തുക്കളാരും തന്നെ സമീപിക്കേണ്ടെന്ന എന്ന മുന്നറിയിപ്പുമായി എത്തിരിയിരിക്കുകയാണ് കോലി.
ടൂര്‍ണമെന്‍റ് കഴിയുന്നതുവരെ ലോകകപ്പ് മത്സരം കാണാനുള്ള ടിക്കറ്റ് ചോദിച്ച് ദയവു ചെയ്ത് എന്‍റയടുത്ത് സുഹൃത്തുക്കളാരും വരേണ്ട നിങ്ങള്‍ വീട്ടിലിരുന്ന് കളി ആസ്വദിക്കൂവെന്നു എന്നാണ് കോലി കുറിച്ചത്.
