കൊയിലാണ്ടി: കൊയിലാണ്ടിയിൽ പുലിയിറങ്ങിയതായി വ്യാജസന്ദേശം ജനങ്ങളെ ആശങ്കയിലാക്കി. തിങ്കളാഴ്ച രാവിലെയാണ് വ്യാപകമായ സന്ദേശം പ്രചരിച്ചത്.
റെയിൽവേ സ്റ്റേഷനു സമീപം മരത്തിനു മുകളിൽ പുലിയുടെ ചിത്രവും വാട്സ് ആപ്പിൽ വൈറലാവുകയായിരുന്നു. ഇതോടെഗൾഫ് നാടുകളിൽ നിന്നടക്കം ഇതിന്‍റെ നിജസ്ഥിതി അറിയാൻ ബന്ധുക്കളെയും ബന്ധപ്പെട്ട അധികൃതരെയും ഫോണിൽ ബന്ധപ്പെടുകയായിരുന്നു.
റെയിൽവേ സ്റ്റേഷനു സമീപമാണ് പുലിയിറങ്ങിയതെന്നും ഒരാളെ അക്രമിച്ചെന്നുമായിരുന്നു സന്ദേശം. കഴിഞ്ഞ വർഷവും ഇതുപോലെ വ്യാജ പ്രചരണമുണ്ടായിരുന്നു.
