ചാത്തന്നൂർ: കല്ലുവാതുക്കൽ മേവനക്കോണം ഏലായിൽ നടന്ന കൊയ്ത്തുത്സവം പഞ്ചായത്ത് പ്രസിഡന്റ് അംബികകുമാരി ഉദ്ഘാടനം ചെയ്തു.കാർഷിക കർമ്മസേന പ്രസിഡന്റ് അജയകുമാർ അദ്ധ്യക്ഷത വഹിച്ചു. കർമ്മസേന സെക്രട്ടറി രാജീവ്, കൃഷി ഒാഫീസർ ധന്യാകൃഷ്ണൻ എന്നിവർ പങ്കെടുത്തു.
കല്ലുവാതുക്കൽ പഞ്ചായത്ത്, കൃഷിഭവൻ, കാർഷികകർമ്മസേന എന്നിവയുടെ സംയുക്താഭിമുഖ്യത്തിലാണ് രണ്ട് ഏക്കറോളം തരിശ് നിലം ഏറ്റെടുത്ത് കൃഷിയറക്കിയത്. ഉമ ഇനത്തിലുള്ള നെൽവിത്തും വളവും കൃഷിഭവിനിൽ നിന്ന് സൗജന്യമായി ലഭിച്ചു.
കൊയ്തെടുക്കുന്ന നെല്ല് സപ്ലൈകോയ്ക്ക് കൈമാറുമെന്നും വരും വർഷങ്ങളിൽ അരിയാക്കി വില്പന നടത്തുമെന്നും കർമ്മസേന സെക്രട്ടറി രാജീവ് അറിയിച്ചു.
