കോട്ടയം: പാലായിൽ ഉമ്മൻചാണ്ടിക്കെതിരേ യൂത്ത് കോണ്ഗ്രസ് പ്രതിഷേധം. രാജ്യസഭാ സീറ്റ് കേരള കോണ്ഗ്രസിനു നൽകി കോണ്ഗ്രസിനെ വഞ്ചിച്ചെന്നാരോപിച്ചാണ് യൂത്ത് കോണ്ഗ്രസ് പ്രതിഷേധം.
ഇന്നലെ രാത്രിയാണു ഒരുപറ്റം ചെറുപ്പക്കാർ ഉമ്മൻചാണ്ടിയുടെ കോലം കത്തിച്ചത്. കോണ്ഗ്രസിനെ കേരള കോണ്ഗ്രസിന് അടിയറവു വച്ച ഉമ്മൻ ചാണ്ടിക്കും കെ.എം. മാണിക്കും എതിരെ യുവാക്കൾ മുദ്രാവാക്യം മുഴക്കി.
കോണ്ഗ്രസ്, കേരള കോണ്ഗ്രസ് ബന്ധം പാലായിൽ അത്ര സുഖകരമായിരുന്നില്ല. മുന്പും കോണ്ഗ്രസ് പ്രവർത്തകർ മാണിക്കെതിരെ രംഗത്തുവന്നിരുന്നു. എന്നാൽ പ്രതിഷേധക്കാർ യൂത്ത് കോണ്ഗ്രസ് സജീവപ്രവർത്തകരല്ലെന്ന് നേതാക്കൾ വ്യക്തമാക്കി.
