കൊല്ലം: സിഗ്നൽ തകരാറിലായതിനെ തുടർന്ന് കൊല്ലം റെയിൽവേ സ്റ്റേഷനുകളിൽ ട്രെയിനുകൾ പിടിച്ചിട്ടിരി ക്കുകയാണ്. ഇതേതുടർന്ന് ഉച്ചയ്ക്ക് ശേഷം തിരുവനന്തപുരത്തു നിന്നും സർവീസ് തുടങ്ങുന്ന ദീർഘദൂര ട്രെയിനുകളുടെയെല്ലാം സമയം വൈകി.
കേരള എക്സ്പ്രസ്, ഐലൻഡ് എക്സ്പ്രസ്, തിരുവനന്തപുരം-ബംഗളൂരു എക്സ്പ്രസ് എന്നീ ട്രെയിനുകൾ നിലവിൽ പിടിച്ചിട്ടിരിക്കുകയാണ്. തകരാർ പരിഹരിച്ച ശേഷം മാത്രമേ ഈ ട്രെയിനുകൾ സർവീസ് തുടങ്ങൂ എന്ന് റെയിൽവേ അധികൃതർ അറിയിച്ചിട്ടുണ്ട്.
സിഗ്നൽ സംവിധാനം സാധാരണ നിലയിലാക്കാൻ ശ്രമം തുടങ്ങിയെന്നും വൈകുന്നേരം സർവീസ് തുടങ്ങുന്ന മറ്റ് ട്രെയിനുകളുടെയും സമയക്രമത്തിൽ മാറ്റമുണ്ടാകുമെന്നും റെയിൽവേ വൃത്തങ്ങൾ അറിയിച്ചിട്ടുണ്ട്.
