കു​ട്ടി​യെ ത​ട്ടി​ക്കൊ​ണ്ടുപോ​ക​ൽ; തെ​ളി​വു​ക​ൾ പ​രി​ശോ​ധ​ന​യ്ക്ക് അ​യ​യ്ക്കാ​ൻ ക്രൈം​ബ്രാ​ഞ്ച് കോ​ട​തി​യി​ൽ റി​പ്പോ​ർ​ട്ട് ന​ൽ​കും

കൊ​ല്ലം: ഓ​യൂ​രി​ൽ കു​ട്ടി​യെ ത​ട്ടി​ക്കൊ​ണ്ടുപോ​യ കേ​സി​ൽ അ​ന്വേ​ഷ​ണ സം​ഘ​ത്തി​ന് ല​ഭി​ച്ച തെ​ളി​വു​ക​ളും സാ​മ്പി​ളു​ക​ളും പ​രി​ശോ​ധ​ന​യ്ക്ക് അ​യ​യ്ക്കാ​ൻ ക്രൈം​ബ്രാ​ഞ്ച് റി​പ്പോ​ർ​ട്ട് ന​ൽ​കും. ല​ഭ്യ​മാ​യ തെ​ളി​വു​ക​ൾ എ​ല്ലാം ഹാ​ജ​രാ​ക്കി അ​വ കോ​ട​തി മു​ഖാ​ന്തി​ര​മാ​ണ് തി​രു​വ​ന​ന്ത​പു​ര​ത്തെ ഫോ​റ​ൻ​സി​ക് ലാ​ബി​ൽ പ​രി​ശോ​ധ​ന​യ്ക്ക് അ​യയ്​ക്കേ​ണ്ട​ത്.

ഇ​തി​നാ​യി കോ​ട​തി​യി​ൽ അ​പേ​ക്ഷ ന​ൽ​കു​ന്ന​തി​ന് റി​പ്പോ​ർ​ട്ട് ത​യാ​റാ​ക്കു​ന്ന​തി​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണെ​ന്ന് കേ​സി​ന്‍റെ അ​ന്വേ​ഷ​ണ ചു​മ​ത​ല​യു​ള്ള ഡി​വൈ​എ​സ്പി എം.​എം.​ തോ​മ​സ് പ​റ​ഞ്ഞു.

കോ​ട​തി​യി​ൽനി​ന്നാ​യി​രി​ക്കും തെ​ളി​വു​ക​ൾ പ​രി​ശോ​ധ​ന​യ്ക്ക് അ​യ​യ്ക്കു​ക. ലാ​ബി​ൽ നി​ന്ന് പ​രി​ശോ​ധ​നാ ഫ​ലം കൈ​മാ​റു​ന്ന​തും കോ​ട​തി​യ്ക്ക് നേ​രി​ട്ടാ​യി​രി​ക്കും. ര​ണ്ടി​നും കൂ​ടി ഒ​രാ​ഴ്ച​യി​ല​ധി​കം വേ​ണ്ടി വ​രു​മെ​ന്നാ​ണ് അ​ന്വേ​ഷ​ണ സം​ഘം പ്ര​തീ​ക്ഷി​ക്കു​ന്ന​ത്.

ര​ണ്ടാം പ്ര​തി അ​നി​ത കു​മാ​രി​യു​ടെ ടെ​ലി​ഫോ​ൺ സം​ഭാ​ഷ​ണം, മ​ക​ൾ അ​നു​പ​മ​യു​ടെ കൈ​യ​ക്ഷ​രം, ത​ട്ടി​ക്കൊ​ണ്ട് പോ​യ കാ​റി​ൽനി​ന്ന് ല​ഭി​ച്ച നി​ർ​ണാ​യ​ക തെ​ളി​വു​ക​ൾ, ചാ​ത്ത​ന്നൂ​ർ മാ​മ്പ​ള്ളി​ക്കു​ന്ന​ത്തെ വീ​ട്ടി​ൽ നി​ന്ന് ല​ഭി​ച്ച വി​ര​ല​ട​യാ​ള​ങ്ങ​ൾ അ​ട​ക്ക​മു​ള്ള തെ​ളി​വു​ക​ൾ, പോ​ള​ച്ചി​റ​യി​ലെ ഫാം ​ഹൗ​സി​ൽ നി​ന്ന് തീ​വ​ച്ച് ന​ശി​ച്ച നി​ല​യി​ൽ കി​ട്ടി​യ കു​ട്ടി​യു​ടെ സ്കൂ​ൾ ബാ​ഗി​ന്‍റെ​യും നോ​ട്ട് ബു​ക്കു​ക​ളു​ടെ​യും അ​വ​ശി​ഷ്ട​ങ്ങ​ൾ എ​ന്നി​വ​യാ​ണ് പ്ര​ധാ​ന​മാ​യും ശാ​സ്ത്രീ​യ പ​രി​ശോ​ധ​ന​യ്ക്ക് വി​ധേ​യ​മാ​ക്കു​ന്ന​ത്.

കൂ​ടാ​തെ ലാ​പ്ടോ​പ്പ്, മൊ​ബൈ​ൽ ഫോ​ണു​ക​ൾ എ​ന്നി​വ​യും പ​രി​ശോ​ധ​ന​യ്ക്ക് അ​യ​ക്കും. ലാ​പ്ടോ​പ്പി​ൽ ചി​ല വി​വ​ര​ങ്ങ​ൾ ഡി​ലി​റ്റ് ചെ​യ്തി​ട്ടു​ണ്ട്. സൈ​ബ​ർ വി​ദ​ഗ്ധ​രു​ടെ സ​ഹാ​യ​ത്തോ​ടെ ഇ​വ വീ​ണ്ടെ​ടു​ക്കാ​നും കോ​ട​തി​യു​ടെ അ​നു​മ​തി തേ​ടും. ഫോ​ണു​ക​ളി​ലെ വാ​ട്ട്സ് ആ​പ്പ് ചാ​റ്റു​ക​ൾ ക്ലി​യ​ർ ചെ​യ്ത​തും വീ​ണ്ടെ​ടു​ത്ത് പ​രി​ശോ​ധി​ക്കു​ക​യും വേ​ണം. സാ​ക്ഷി​മൊ​ഴി​ക​ൾ രേ​ഖ​പ്പെ​ടു​ത്തു​ന്ന ന​ട​പ​ടി​ക​ൾ സ​മാ​ന്ത​ര​മാ​യി ഇ​പ്പോ​ഴും ന​ട​ക്കു​ന്നു​ണ്ട്.

കു​ട്ടി​യെ ത​ട്ടി​ക്കൊ​ണ്ട് പോ​കു​ന്ന​തി​ന് മു​മ്പും അ​തി​നു ശേ​ഷം തെ​ങ്കാ​ശി​യി​ലേ​ക്ക് ക​ട​ക്കു​ന്ന​ത് വ​രെ​യു​ള്ള സ​മ​യ​ത്തെ പ്ര​തി​ക​ളു​ടെ ഫോ​ൺ കോ​ൾ സം​ബ​ന്ധി​ച്ച വി​വ​ര​ങ്ങ​ളി​ൽ വ്യ​ക്ത​ത വ​രു​ത്തു​ന്ന​തി​നും ശ്ര​മ​ങ്ങ​ൾ ന​ട​ക്കു​ന്നു.

പ്ര​തി​ക​ൾ ഫോ​ൺ വി​ളി​ച്ച​വ​രെ​യും ഇ​വ​ർ​ക്ക് ഫോ​ൺ ചെ​യ്ത​വ​രെ​യെ​ല്ലാം ഉ​ദ്യോ​ഗ​സ്ഥ​ർ തി​രി​ച്ച​റി​ഞ്ഞി​ട്ടു​ണ്ട്. ഇ​വ​രി​ൽ നി​ന്നെ​ല്ലാം പ്രാ​ഥ​മി​ക മൊ​ഴി​ക​ൾ രേ​ഖ​പ്പെ​ടു​ത്തി. ആ​ർ​ക്കും കൃ​ത്യ​ത്തി​ൽ നേ​രി​ട്ടോ പ​രോ​ക്ഷ​മാ​യോ ഒ​രു ബ​ന്ധ​വും ഇ​ല്ല​ന്നാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​ർ വ്യ​ക്ത​മാ​ക്കു​ന്ന​ത്.

എ​താ​നും ചി​ല​രു​ടെ ഫോ​ൺ കോ​ളു​ക​ൾ​ക്ക് ദൈ​ർ​ഘ്യം വ​ള​രെ കൂ​ടു​ത​ലാ​യി​രു​ന്നു. ഇ​വ​രെ വീ​ണ്ടും റൂ​റ​ൽ ക്രൈം​ബ്രാ​ഞ്ച് ആ​സ്ഥാ​ന​ത്ത് വി​ളി​ച്ചു വ​രു​ത്തി വി​ശ​ദ​മാ​യ മൊ​ഴി രേ​ഖ​പ്പെ​ടു​ത്തി​യി​ട്ടു​ണ്ട്.

മൊ​ഴി​യെ​ടു​പ്പു​ക​ൾ ഇ​ന്നും തു​ട​രും. 13 അം​ഗ ക്രൈം ​ബ്രാ​ഞ്ച് സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്. ഇ​വ​ർ ഇ​ന്ന​ലെ യോ​ഗം ചേ​ർ​ന്ന് ഇ​തു​വ​രെ​യു​ള്ള അ​ന്വേ​ഷ​ണ പു​രോ​ഗ​തി വി​ല​യി​രു​ത്തി.

എ​സ്.ആ​ർ.​ സു​ധീ​ർ കു​മാ​ർ