കോന്നി: പത്തുവയസുകാരിയെ പീഡിപ്പിച്ച യുവാവിന് സഹായം ചെയ്തു കൊടുത്ത യുവതിയെയും പോലീസ് അറസ്റ്റു ചെയ്തു.പ്രമാടം ളാക്കൂർ മല്ലശേരി മൂലപറന്പ് കോളനിയിൽ സ്മിത (29)യെയാണ് കോന്നി സിഐ ആർ.ജോസിന്റെ നേതൃത്വത്തിലുള്ള സംഘം ഇന്നലെ രാവിലെ വീട്ടിൽ നിന്നും അറസ്റ്റു ചെയ്തത്.
കേസിൽ കഴിഞ്ഞ ആറിന് അറസ്റ്റിലായ ളാക്കൂർ ശ്രീകൃഷ്ണസ്വാമി ക്ഷേത്രത്തിനു സമീപം മൂലപറന്പിൽ അജി (42) പത്തനംതിട്ട സബ് ജയിലിൽ റിമാൻഡിൽ കഴിയുകയാണ്.ഇയാളുമായി അവിഹിത ബന്ധം ഉണ്ടായിരുന്ന സ്മിത, കുട്ടിയെ ഇയാൾക്ക് കാഴ്ചവയ്ക്കാൻ കൂട്ടുനിൽക്കുകയായിരുന്നുവെന്നു പറയുന്നു.കുട്ടിയുടെ പിതാവ് നേരത്തെ മരണമടഞ്ഞിരുന്നു. മാതാവ് കുട്ടിയെ ഉപേക്ഷിക്കുകയും ചെയ്തു.
കഴിഞ്ഞ 26നാണ് അജി, കുട്ടിയെ പീഡിപ്പിച്ചതായി പോലീസ് പറയുന്നത്. ബാലികാസദനത്തിൽ കഴിയുന്ന കുട്ടിയുടെ രഹസ്യമൊഴി മജിസ്ട്രേറ്റ് എടുത്തിട്ടുണ്ട്. അജിയുടെ അറസ്റ്റിനു ശേഷം പോലീസ് നിരീക്ഷണത്തിലായിരുന്നു സ്മിത. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.
