താമരശേരി: കൂടത്തായി കൊലപാതക പരമ്പരയിലെ മാത്യു മഞ്ചാടിയില്‍ വധക്കേസില്‍ രണ്ടാം പ്രതി കക്കവയല്‍ മഞ്ചാടിയില്‍ എം.എസ്. മാത്യു എന്ന ഷാജി (44)യെ അന്വേഷണ സംഘം ഇന്ന് കസ്റ്റഡിയില്‍ വാങ്ങും. കൊയിലാണ്ടി സിഐ കെ. ഉണ്ണികൃഷ്ണന്‍റെ നേതൃത്വത്തിലുള്ള അന്വേഷണസംഘം ഈ കേസില്‍ മാത്യുവിനെ 14-ന് അറസ്റ്റ് ചെയ്തിരുന്നെങ്കിലും പ്രതിക്ക് അസുഖമായതിനാലാണ് കസ്റ്റഡി അപേക്ഷ സമര്‍പ്പിക്കുന്നത് നീട്ടിയത്.
മാത്യുവിന്‍റെ പ്രൊഡക്ഷന് വാറന്‍റ് അപേക്ഷയ്ക്ക് കോടതി ശനിയാഴ്ച അനുമതി നല്‍കിയിരുന്നു. തിങ്കളാഴ്ച രാവിലെ മാത്യുവിനെ താമരശേരി മുന്‍സിഫ് മജിസ്‌ട്രേറ്റ് കോടതിയില്‍ ഹാജരാക്കും.
