കട്ടപ്പന: കൂടത്തായി കൊലപാതകങ്ങളിലെ മുഖ്യപ്രതി ജോളിയെയും കൊല്ലപ്പെട്ട റോയിയെയും അറിയില്ലെന്ന് കട്ടപ്പനയിലെ ജ്യോത്‌സ്യൻ കൃഷ്ണകുമാർ. ജോളി തന്നെ വന്നു കണ്ടതായി ഓർമയില്ല. താൻ തകിട് പൂജിച്ച് നൽകാറുണ്ട്. തകിടിനുള്ളിൽ ഭസ്മം ആണുള്ളത്. ഇത് കലക്കി കുടിക്കാൻ ആവശ്യപ്പെടാറില്ലെന്നും കൃഷ്ണകുമാർ മാധ്യമങ്ങളോട് പറഞ്ഞു.കൂടത്തായി കൊലപാതക പരമ്പരയിൽ കട്ടപ്പനയിലെ ജ്യോത്സ്യനും പങ്കുള്ളതായാണ് കഴിഞ്ഞ ദിവസം വാർത്തകൾ വന്നിരുന്നത്. ഇതേതുടർന്നാണ് പ്രതികരണവുമായി കൃഷ്ണകുമാർ രംഗത്തെത്തിയത്. ജോളിയുടെ ആദ്യ ഭർത്താവ് റോയി മരിക്കുന്പോൾ ശരീരത്തിൽ ഏലസ് കണ്ടെത്തിയിരുന്നതായും ഈ അന്വേഷണമാണ് കട്ടപ്പനയിലെ ജ്യോത്സ്യനിൽ എത്തിയതെന്നുമാണ് വാർത്തകൾ വന്നത്.
