സാല്‍വദോര്‍: കോപ്പ അമേരിക്ക ഫുട്‌ബോള്‍ ക്വാര്‍ട്ടര്‍ ഫൈനലില്‍ ഉറുഗ്വെയ്ക്ക് അപ്രതീക്ഷിത തോല്‍വി. മുഴുവന്‍ സമയത്ത് ഗോള്‍ രഹിത സമനില പാലിച്ചതോടെ പെനല്‍റ്റി ഷൂട്ടൗട്ടിലേക്കു നീങ്ങുകയായിരുന്നു. ഷൂട്ടൗട്ടിൽ ഉറുഗ്വെയുടെ ആദ്യ കിക്ക് ലൂയിസ് സുവാരസ് പാഴാക്കിയപ്പോള്‍ പെറു 5-4ന്‍റെ ജയം സ്വന്തമാക്കുകയായിരുന്നു.
നിലവിലെ ചാമ്പ്യന്മാരായ ചിലിയാണ് സെമിയില്‍ പെറുവിന്‍റെ എതിരാളികള്‍. കളിയില്‍ ആധിപത്യം പുലര്‍ത്തിയ ഉറുഗ്വെയുടെ മൂന്നു ഗോളുകള്‍ ഓഫ് സൈഡില്‍ കുടുങ്ങി വിഎആറിലൂടെ നിഷേധിക്കപ്പെടുകയും ചെയ്തു.
