കു​ട്ട​മ്പു​ഴ​ വ​ന​ത്തി​ൽ കാ​ണാ​താ​യ മൂ​ന്നു സ്ത്രീ​ക​ളെ​യും ക​ണ്ടെ​ത്തി; പ​ശു​വി​നെ തെ​ര​ഞ്ഞ് പോ​കു​ന്ന​തി​നി​ടെ വ​ഴി​തെ​റ്റു​ക​യാ​യി​രു​ന്നു

കോ​ത​മം​ഗ​ലം: കു​ട്ട​മ്പു​ഴ അ​ട്ടി​ക്ക​ള​ത്ത് വ​ന​ത്തി​ൽ കാ​ണാ​താ​യ മൂ​ന്നു സ്ത്രീ​ക​ളെ​യും ക​ണ്ടെ​ത്തി സു​ര​ക്ഷി​ത​രാ​യി വീ​ടു​ക​ളി​ൽ എ​ത്തി​ച്ചു. കാ​ണാ​താ​യ പ​ശു​വി​നെ തെ​ര​ഞ്ഞ് ഇ​ന്ന​ലെ രാ​വി​ലെ വ​ന​ത്തി​ലേ​ക്ക് പോ​യ മൂ​വ​രെ​യും ഇ​ന്നു പു​ല​ർ​ച്ചെ തെ​ര​ച്ചി​ൽ സം​ഘം വ​ന​ത്തി​ൽ അ​റ​യ്ക്ക​മു​ത്തി ഭാ​ഗ​ത്തു​നി​ന്നാ​ണ് ക​ണ്ടെ​ത്തി​യ​ത്. അ​ട്ടി​ക്ക​ള​ത്തു​നി​ന്ന് ഏ​ക​ദേ​ശം ആ​റ് കി​ലോ​മീ​റ്റ​ർ ദൂ​രെ​യാ​ണ് അ​റ​യ്ക്ക​മു​ത്തി.

അ​ട്ടി​ക്ക​ളം പു​ത്ത​ൻ​പു​ര ഡാ​ർ​ളി സ്‌​റ്റീ​ഫ​ൻ, മാ​ളി​കേ​ക്കു​ടി മാ​യ ജ​യ​ൻ, ബ​ന്ധു കാ​വും​കു​ടി പാ​റു​ക്കു​ട്ടി കു​ഞ്ഞു​മോ​ൻ എ​ന്നി​വ​രാ​ണ് ഇ​ന്ന​ലെ ഉ​ൾ​വ​ന​ത്തി​ൽ രാ​ത്രി ദി​ക്ക​റി​യാ​തെ അ​ക​പ്പെ​ട്ടു​പോ​യ​ത്. മാ​യ​യു​ടെ പ​ശു​വി​നെ തെ​ര​ഞ്ഞാ​യി​രു​ന്നു മു​വ​രും വ​ന​ത്തി​ൽ ക​യ​റി​യ​ത്. കാ​ട്ടാ​ന​ക്കൂ​ട്ട​ത്തെ​ ക​ണ്ട ഇ​വ​ർ ര​ക്ഷ​പ്പെടാ​നാ​യി കൂ​ടു​ത​ൽ ഉ​ൾ​വ​ന​ത്തി​ലേ​ക്ക് ഓ​ടി​മാ​റു​ക​യും അ​ങ്ങ​നെ ദി​ക്ക് തെ​റ്റു​ക​യു​മാ​യി​രു​ന്നു.

ഇ​വ​രു​ടെ പ​ക്ക​ലു​ണ്ടാ​യി​രു​ന്ന മൊ​ബൈ​ൽ ഫോ​ണി​ന്‍റെ റേഞ്ചും ബാ​റ്റ​റി​ചാ​ർ​ജും ഇ​ല്ലാ​താ​യ​തോ​ടെ വ​ന​ത്തി​ൽ​നി​ന്ന് പു​റ​ത്ത് ക​ട​ക്കു​ക എ​ളു​പ്പ​മ​ല്ലെ​ന്ന് മ​ന​സി​ലാ​യ മൂ​വ​രും സു​ര​ക്ഷ​യെ ക​രു​തി വ​ലി​യ പാ​റ​യു​ടെ മു​ക​ളി​ൽ നി​ല​യു​റ​പ്പി​ക്കു​ക​യാ​യി​രു​ന്നു. രാ​ത്രി മു​ഴു​വ​ൻ ഉ​റ​ങ്ങാ​തി​രു​ന്ന് പ്രാ​ർ​ഥിക്കു​ക​യാ​യി​രു​ന്നു​വെ​ന്നും പാ​റ​യ്ക്ക് ചു​റ്റും കാ​ട്ടാ​ക്കു​ട്ടം ഉ​ണ്ടാ​യി​രു​ന്നു​വെ​ന്നും തി​രി​ച്ചെ​ത്തി​യ മൂ​വ​രും പ​റ​ഞ്ഞു.

ഇ​ന്ന് പു​ല​ർ​ച്ചെ തി​രി​ച്ച് ഇ​റ​ങ്ങി വ​രു​ന്ന​തി​നി​ടെ​യാ​ണ് തെര​ച്ചി​ൽ സം​ഘം മൂ​വ​രെ​യും ക​ണ്ടെ​ത്തി​യ​ത്. വ​ന​പാ​ല​ക​രും പോ​ലീ​സും അ​ഗ്നി​ര​ക്ഷാ​സേ​ന​യും നാ​ട്ടു​കാ​രും ചേ​ർ​ന്ന് സം​ഘ​ങ്ങ​ളാ​യി തി​രി​ഞ്ഞാ​ണ് രാ​ത്രി മു​ഴു​വ​നും തെ​ര​ച്ചി​ൽ ന​ട​ത്തി​യ​ത്. സേ​ർ​ച്ച് ലൈ​റ്റു​ക​ളു​ടെ പ്ര​കാ​ശം കു​റ​യു​ക​യും ക്ഷീ​ണി​ത​രാ​കു​ക​യും ചെ​യ്ത​തോ​ടെ തെര​ച്ചി​ൽ സം​ഘം പു​ല​ച്ചെ മൂ​ന്നോ​ടെ ഒ​രു പാ​റ​യി​ൽ വി​റ​ക് കൂ​ട്ടി തീ​യി​ട്ട് വി​ശ്ര​മി​ച്ചി​രു​ന്നു.

ഇ​ത് സ്ത്രി​ക​ൾ നി​ല​യു​റ​പ്പി​ച്ചി​രു​ന്ന​തി​ന് മു​ന്നൂ​റ് മീ​റ്റ​റോ​ളം സ​മീ​പ​ത്താ​യി​രു​ന്നു. കൂ​വിവി​ളി​ക്കു​ക​യും ഗു​ണ്ട് പൊ​ട്ടി​ക്കു​ക​യും ചെ​യ്തെ​ങ്കി​ലും ര​ക്ഷാ​പ്ര​വ​ർ​ത്ത​ക​രാ​ണെ​ന്ന് തി​രി​ച്ച​റി​യാ​ത്ത​തി​നാ​ൽ മൂ​വ​രും പ്ര​തി​ക​രിച്ചില്ല. കാ​ണാ​താ​യ പ​ശു ഇ​ന്ന​ലെ വൈ​കു​ന്നേ​ര​ത്തോ​ടെ ത​നി​യെ വീ​ട്ടി​ൽ തി​രി​ച്ചെ​ത്തി​യി​രു​ന്നു.

ബു​ധ​നാ​ഴ്ച മു​ത​ൽ കാ​ണാ​താ​യ പ​ശു​വി​നെ അ​ന്വേ​ഷി​ച്ചാ​ണ് ഇ​ന്ന​ലെ രാ​വി​ലെ മൂ​വ​രും ചേ​ർ​ന്ന് വ​ന​ത്തി​ലേ​ക്കു പോ​യ​ത്. വൈ​കു​ന്നേ​രം അ​ഞ്ച് വ​രെ ഇ​വ​രെ ഫോ​ണി​ൽ കി​ട്ടി​യി​രു​ന്നു. അ​വ​സാ​നം ഫോ​ണി​ൽ ബ​ന്ധ​പ്പെ​ട്ട​പ്പോ​ഴാ​ണ് ഇ​വ​ർ വ​ഴി​തെ​റ്റി അ​ല​യു​ന്ന​താ​യി ബ​ന്ധു​ക്ക​ൾ​ക്ക് വി​വ​രം ല​ഭി​ച്ച​ത്. തു​ട​ർ​ന്നു ഫോ​ൺ ബ​ന്ധം നി​ല​ച്ചു.

തി​രി​ച്ചെ​ത്തി​ച്ച മൂ​വ​രെ​യും വൈ​ദ്യ പ​രി​ശോ​ധ​ന​യ്ക്ക് വി​ധേ​യ​രാ​ക്കി. ആ​രോ​ഗ്യ​സ്ഥി​തി മെ​ച്ച​മാ​ണെ​ന്ന് ഉ​റ​പ്പ് വ​രു​ത്തി. മൂ​വ​രും സു​ര​ക്ഷി​ത​രാ​യി എ​ത്തു​ന്ന​തും കാത്ത് ബ​ന്ധു​ക്ക​ളും നാ​ട്ടു​കാ​രും ഉ​ൾ​പ്പെ​ടെ വ​ലി​യ ആ​ൾ​ക്കൂ​ട്ട​മാ​ണ് കാ​ത്തി​രു​ന്ന​ത്.