ഫ​ർ​ണി​ച്ച​ർ ഗോ​ഡൗ​ണി​ൽ വ​ൻ തീ​പി​ടി​ത്തം; തൊ​ഴി​ലാ​ളി​ക​ൾ ഓ​ടി​മാ​റി​യ​തി​നാ​ൽ വ​ൻ ദു​ര​ന്തം ഒ​ഴി​വാ​യി; ല​ക്ഷ​ങ്ങ​ളു​ടെ നാ​ശം

കോ​ത​മം​ഗ​ലം: നെ​ല്ലി​ക്കു​ഴി ഇ​ള​ബ്ര​യി​ൽ ഫ​ർ​ണി​ച്ച​ർ ഗോ​ഡൗ​ണി​ൽ വ​ൻ തീ​പി​ടി​ത്തം. ഫ​ർ​ണി​ച്ച​റു​ക​ളും നി​ർ​മാ​ണ​ത്തി​നാ​യി സൂ​ക്ഷി​ച്ചി​രു​ന്ന മ​ര ഉ​രു​പ്പ​ടി​ക​ളും ഉ​ൾ​പ്പെ​ടെ ല​ക്ഷ​ക്ക​ണ​ക്കി​ന് രൂ​പ​യു​ടെ സാ​ധ​ന​ങ്ങ​ൾ ക​ത്തി​ന​ശി​ച്ചു. തീ ​ആ​ളി​പ്പ​ട​രു​ന്ന​ത് ക​ണ്ട് തൊ​ഴി​ലാ​ളി​ക​ൾ ഇ​റ​ങ്ങി​യോ​ടി​യ​തി​നാ​ൽ വ​ലി​യ ദു​ര​ന്തം ഒ​ഴി​വാ​യി. ഇ​ന്ന് പു​ല​ർ​ച്ചെ 2.45 ഓ​ടെ​യാ​ണ് സം​ഭ​വം. നെ​ല്ലി​ക്കു​ഴി പാ​ണാ​ട്ടി​ൽ പി.​എ അ​ലി​യാ​രു​ടെ ഉ​ട​മ​സ്ഥ​ത​യി​ൽ ഇ​ള​ബ്ര​യി​ലു​ള്ള റോ​യ​ൽ ഫ​ർ​ണി​ച്ച​ർ യൂ​ണി​റ്റി​നാ​ണ് തീ ​പി​ടി​ച്ച​ത്.

ഏ​ക​ദേ​ശം പ​തി​നാ​യി​ര​ത്തോ​ളം സ്ക്വ​യ​ർ​ഫീ​റ്റ് വി​സ്തൃ​തി​യു​ള്ള ഫ​ർ​ണി​ച്ച​ർ ക​ട​യാ​ണ് അ​ഗ്നി​ക്കി​ര​യാ​യ​ത്. ഫ​ർ​ണി​ച്ച​ർ ക​ട​യു​ടെ പ​ല ഭാ​ഗ​ത്ത് ഒ​രേ സ​മ​യം തീ ​ആ​ളിപ്പ​ട​രു​ക​യാ​യി​രു​ന്നു. കോ​ത​മം​ഗ​ലം, മൂ​വാ​റ്റു​പു​ഴ, പെ​രു​മ്പാ​വൂ​ർ എ​ന്നി​വി​ട​ങ്ങ​ളി​ൽ നി​ന്ന് അ​ഗ്നി ര​ക്ഷാ​സേ​ന​യു​ടെ നാ​ല് യൂ​ണി​റ്റു​ക​ളെ​ത്തി മൂ​ന്ന് മ​ണി​ക്കൂ​റി​ലേ​റെ നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ് തീ​യ​ണ​ച്ച​ത്.

തീ​പി​ടി​ത്തം അ​റി​ഞ്ഞ ഉ​ട​ൻ കോ​ത​മം​ഗ​ല​ത്തു​നി​ന്ന് അ​ഗ്നി​ര​ക്ഷാ സം​ഘം എ​ത്തി​യെ​ങ്കി​ലും തീ ​കൂ​ടു​ത​ൽ വ്യാ​പി​ച്ച​തോ​ടെ മൂ​വാ​റ്റു​പു​ഴ, പെ​രു​മ്പാ​വൂ​ർ എ​ന്നി​വി​ട​ങ്ങ​ളി​ൽ​നി​ന്ന് കൂ​ടു​ത​ൽ സേ​ന​യു​ടെ സ​ഹാ​യം തേ​ടു​ക​യാ​യി​രു​ന്നു. കോ​ട്ട​പ്പ​ടി പോ​ലീ​സും സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി. പു​ല​ർ​ച്ചെ ആ​റോ​ടെ​യാ​ണ് പൂ​ർ​ണ​മാ​യും തീ​യ​ണ​യ് ക്കാ​നാ​യ​ത്. പ​ത്ത് ടാ​ങ്ക​റോ​ളം വെ​ള്ളം പ​മ്പ്ചെ​യ്യേ​ണ്ട​താ​യി വ​ന്നു. ഫ​ർ​ണി​ച്ച​ർ നി​ർ​മാ​ണ​ത്തി​ന് സൂ​ക്ഷി​ച്ചി​രു​ന്ന മ​രം ഉ​രു​പ്പ​ടി​ക​ളും ഫ​ർ​ണി​ച്ച​റു​ക​ളും, നി​ർ​മാ​ണ​ത്തി​നു​ള്ള യ​ന്ത്ര​സാ​മ​ഗ്രി​ക​ളും ക​ത്തി​ന​ശി​ച്ചു.

തീ ​ആ​ളി​പ്പ​ട​രു​ന്ന​ത് ക​ണ്ട് ‌തൊ​ഴി​ലാ​ളി​ക​ൾ പു​റ​ത്തേ​ക്ക് ഓ​ടു​ക​യാ​​യി​രു​ന്നു. ല​ക്ഷ​ങ്ങ​ളു​ടെ നാ​ശം ഉ​ണ്ടാ​യി​ട്ടു​ള്ള​താ​യാ​ണ് പ്രാ​ഥ​മി​ക വി​ല​യി​രു​ത്ത​ൽ. നാ​ശ​ന​ഷ്ടം കൃത്യമാ​യി ക​ണ​ക്കാ​ക്കു​ന്ന​തേ​യു​ള്ളു. രാ​ത്രി​യി​ൽ പെ​യ്ത മ​ഴ​യ്ക്കൊ​പ്പം ശ​ക്ത​മാ​യ മി​ന്ന​ലും ഉ​ണ്ടാ​യി​രു​ന്നു.

ഇ​തേ തു​ട​ർ​ന്നു​ണ്ടാ​യ ഷോ​ട്ട് സ​ർ​ക്യു​ട്ടാ​ണോ അ​ഗ്നി​ബാ​ധ​ക്കി​ട​യാ​ക്കി​യ​തെ​ന്നും പ​രി​ശോ​ധി​ച്ച് വ​രു​ന്നു​ണ്ട്. കോ​ത​മം​ഗ​ലം അ​ഗ്നി​ര​ക്ഷാ നി​ല​യ​ത്തി​ലെ അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫീ​സ​ർ സ​ജി മാ​ത്യു, ലീ​ഡിം​ഗ് ഫ​യ​ർ​മാ​ൻ ബി.​സി. ജോ​ഷി, ഫ​യ​ർ​മാ​ൻ​മാ​രാ​യ കെ.​എ. ഷം​സു​ദീ​ൻ, ഡി. ​ബി​ബി​ൻ, എ.​എ​സ്. ന​ജീ​ബ്, ഫ​യ​ർ​മാ​ൻ ഡ്രൈ​വ​ർ എ​സ്. അ​നി​ൽ​കു​മാ​ർ, ഹോം​ഗാ​ർ​ഡ് ഇ.​എ​ൻ. ദി​വാ​ക​ര​ൻ എ​ന്നി​വ​ർ ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി.