കരുതലോടെ കോട്ടയം; കോവിഡ് വ്യാപനം തടയാൻ നി​ര​ത്തു ക​ച്ച​വ​ട​ക്കാ​രെ ഒ​ഴി​പ്പി​ക്കു​ന്നു; നിയന്ത്രണങ്ങളെ ഇങ്ങനെയൊക്കെ…

കോ​ട്ട​യം: കോ​വി​ഡ് വ്യാ​പ​ന ആ​ശ​ങ്ക ജി​ല്ല​യി​ൽ വ​ർ​ധി​ച്ചു​ വ​രു​ന്ന​തി​നാ​ൽ ടൗ​ണു​ക​ളി​ലെ​യും നി​ര​ത്തു​ക​ളി​ലെ​യും അ​ന​ധി​കൃ​ത വ്യാ​പാ​രം നി​രോ​ധി​ച്ചേ​ക്കും. ആ​ദ്യ​ഘ​ട്ട​മാ​യി കോ​ട്ട​യം ശീ​മാ​ട്ടി ജം​ഗ്ഷ​ൻ മു​ത​ൽ മ​ത്സ്യ​മാ​ർ​ക്ക​റ്റ് വ​രെ​യു​ള്ള നി​ര​ത്തു ക​ച്ച​വ​ട​ക്കാ​രെ ന​ഗ​ര​സ​ഭ​യു​ടെ ചു​മ​ത​ല​യി​ൽ ഒ​ഴി​പ്പി​ക്കും.

ജി​ല്ലാ ഭ​ര​ണ​കൂ​ട​ത്തി​ന്‍റെ അ​നു​മ​തി​യോ​ടെ പോ​ലീ​സ് സം​ര​ക്ഷ​ണ​യി​ൽ ത​ദ്ദേ​ശ​സ്ഥാ​പ​ന​ങ്ങ​ൾ​ക്കാ​യി​രി​ക്കും വി​വി​ധ കേ​ന്ദ്ര​ങ്ങ​ളി​ൽ ഒ​ഴി​പ്പി​ക്ക​ൽ ചു​മ​ത​ല. കോ​വി​ഡ് വ്യാ​പ​നം നി​യ​ന്ത്ര​ണ ​പ​രി​ധി​ക്ക​പ്പു​റം ക​ട​ന്നാ​ൽ ഉ​ട​ൻ ക​ർ​ക്ക​ശ​ ന​ട​പ​ടി​യു​ണ്ടാ​കും.

ന​ഗ​ര​ങ്ങ​ളി​ലെ ഫു​ട്പാ​ത്തു​ക​ളി​ലും വ​ഴി​യോ​ര​ങ്ങ​ളി​ലും ജ​ന​ങ്ങ​ൾ തി​ക്കി​ത്തി​ര​ക്കു​ന്ന സാ​ഹ​ച​ര്യം ഒ​ഴി​വാ​ക്കു​ന്ന​തി​ന്‍റെ ഭാ​ഗ​മാ​യി പ​ഴം, മ​ത്സ്യം, പ​ച്ച​ക്ക​റി തു​ട​ങ്ങി​യ നി​ര​ത്തു ക​ച്ച​വ​ട​ക്കാ​രെ​യും ഉ​ന്തു​വ​ണ്ടി​ക്കാ​രെ​യും അ​ടു​ത്ത​യാ​ഴ്ച പൂ​ർ​ണ​മാ​യി ഒ​ഴി​പ്പി​ക്കാ​നാ​ണ് നീ​ക്കം.

ജി​ല്ല​യി​ൽ അ​ടു​ത്ത​യാ​ഴ്ച മു​ത​ൽ കോ​വി​ഡ് വ്യാ​പ​ന​ത്തി​ന് വേ​ഗ​സാ​ധ്യ​ത കാ​ണു​ന്ന​തി​നാ​ൽ അ​ടി​യ​ന്തി​ര ന​ട​പ​ടി​യെ​ന്നോ​ണം ക​ട​ക​ന്പോ​ള​ങ്ങ​ളി​ലും ബ​സ് സ്റ്റാ​ൻ​ഡു​ക​ളി​ലും ജ​ന​ങ്ങ​ൾ കൂ​ട്ടം കൂ​ടു​ന്ന​തി​ൽ നി​യ​ന്ത്ര​ണം ഏ​ർ​പ്പെ​ടു​ത്തും.

വ​ഴി​യോ​ര വാ​ണി​ഭം നി​രോ​ധി​ക്കു​ന്ന​തി​നൊ​പ്പം ഇ​വ​രു​ടെ താ​ൽ​ക്കാ​ലി​ക ഷെ​ഡുക​ളും ക​ച്ച​വ​ട​സാ​മ​ഗ്രി​ക​ളും നീ​ക്കം ചെ​യ്യാ​നും ഒ​ന്നി​വി​ട​വി​ട്ട ദി​വ​സ​ങ്ങ​ളി​ൽ ന​ഗ​ര​പാ​ത​ക​ളി​ലും മാ​ർ​ക്ക​റ്റു​ക​ളി​ലും അ​ണു​ന​ശീ​ക​ര​ണം ന​ട​ത്താ​നു​മാ​ണ് നീ​ക്കം.

കേ​ര​ള​ത്തി​ലും പു​റ​ത്തും കോ​വി​ഡ് രോ​ഗി​ക​ളു​ടെ എ​ണ്ണം പെ​രു​കി​യി​രി​ക്കു​ന്ന കേ​ന്ദ്ര​ങ്ങ​ളി​ൽ​നി​ന്ന് സാ​ധ​ന​ങ്ങ​ളു​മാ​യി വാ​ഹ​ന​ങ്ങ​ളും ക​ച്ച​വ​ട​ക്കാ​രും ഏ​ജ​ൻ​സി​ക​ളും മാ​ർ​ക്ക​റ്റു​ക​ളി​ൽ എ​ത്തു​ന്ന സാ​ഹ​ച​ര്യം രോ​ഗ​വ്യാ​പ​ന​ത്തി​ന് കാ​ര​ണ​മാ​കു​ന്നാ​ണ് ആ​രോ​ഗ്യ​വ​കു​പ്പ് മു​ന്ന​റി​യി​പ്പു ന​ൽ​കു​ന്ന​ത്.

പൂ​ന്തു​റ, ക​ന്യാ​കു​മാ​രി, ആ​ല​പ്പു​ഴ എ​ന്നി​വി​ട​ങ്ങ​ളി​ൽ​നി​ന്ന് മീ​ൻ​വ​ണ്ടി​ക​ൾ വ​രു​ന്ന​തി​നു നി​ല​വി​ൽ നി​രോ​ധ​ന​മു​ണ്ട്. സ്റ്റേ​ഷ​ന​റി, ലോ​ട്ട​റി തു​ട​ങ്ങി​യ സാ​ധ​ന​ങ്ങ​ൾ ബ​സു​ക​ളി​ലും ക​വ​ല​ക​ളി​ലും കൊ​ണ്ടു​ന​ട​ന്നു വി​ല്ക്കു​ന്ന​തി​നും നി​യ​ന്ത്ര​ണം ആ​ലോ​ച​ന​യി​ലാ​ണ്.

എ​ല്ലാ വ്യാ​പാ​ര സ്ഥാ​പ​ന​ങ്ങ​ളി​ലും അ​ക​ലം പാ​ലി​ക്കാ​നു​ള്ള നി​ർ​ദേ​ശ​വും വ​രും. വാ​ഹ​ന​ങ്ങ​ളി​ലും നേ​രി​ട്ടും സാ​ധ​ന​ങ്ങ​ൾ വീ​ടു​ക​ൾ തോ​റും കൊ​ണ്ടു​ന​ട​ന്നു വി​ൽ​ക്കു​ന്ന​വ​രെ​യും നി​യ​ന്ത്രി​ക്കും.