ഹോളിവുഡ് ചിത്രങ്ങളിലൂടെ ശ്രദ്ധേയനായ കോട്ടയംകാരൻ സന്ദീപ് ജെ.എൽ, വ്യത്യസ്തമായൊരു ആക്ഷൻ ചിത്രത്തിന്‍റെ സംവിധായകനായി എത്തുന്നു. ജെ.എൽ.ഫിലിംസ് നിർമ്മിക്കുന്ന ഒൗട്ട്റേജ് എന്ന് പേരിട്ട ഈ ചിത്രം ഉടൻ തിയറ്ററിലെത്തുന്നു.
തായ്ക്കൊണ്ട, കുങ്ഫു, മുയിതായ്, തുടങ്ങിയ ആയോധനകലകളിലെ ചാന്പ്യനായ സന്ദീപ് തന്നെയാണ് ചിത്രത്തിലെ നായകനായി എത്തുന്നത്. അമിതാഭ് ബച്ചൻ നായകനായ കാണ്ടെ എന്ന ബോളിവുഡ് ചിത്രത്തിൽ പ്രധാന വേഷത്തിലെത്തിയ ജെഫ് ഡാവീസ് എന്ന ഹോളിവുഡ് നടനും റെസ്‌ലിംഗ് ചാന്പ്യനായ ചാസ് ടെയ്‌ലറും പ്രധാന വേഷത്തിലെത്തുന്നു എന്നത് ഒരു പ്രത്യേകതയാണ്.
ഹോളിവുഡിലെയും, കാനഡയിലെയും നടീനടന്മാരും വിയറ്റ്നാമിലെ പ്രഗൽഭരായ സ്റ്റണ്ട് മാസ്റ്റർമാരും ചിത്രത്തിൽ അണിനിരക്കുന്നു .
