കൊട്ടിയൂർ: കൊട്ടിയൂർ നീണ്ടുനോക്കിയിലുണ്ടായ തീപിടിത്തതിൽ ദുരൂഹത വർധിപ്പിച്ചു സിസി ടിവി ദൃശ്യങ്ങൾ. ദൃശ്യങ്ങളിൽ കാണുന്നതി ഇങ്ങനെ: ചൊവ്വാഴ്ച്ച പുലർച്ചെ 1.46 ന് മുണ്ടും ഷർട്ടും ധരിച്ച ഒരാൾ മേലെ കൊട്ടിയൂർ ഭാഗത്തു നിന്നും വരുന്നു. 1.50 ന് ഇയാൾ കടയുടെ പിന്നിലേക്കു പോകുന്നു തുടർന്നു 1.56 ന് കടയുടെ പിൻഭാഗത്തു മുകളിലായി തീ ഉയരുന്നു.
അതേസമയം തന്നെ വന്നയാൾ നേരത്തേവന്ന അതേ ഭാഗത്തേക്കു തിരിച്ചുപോകുന്നു. തുടർന്നു തീ ക്രമാനുസ്രതമായി വർധിക്കുന്നു. പിന്നീട് 2.50 എത്തിയ ബൈക്ക് യാത്രികരാണു തീപിടിത്തമുണ്ടായ വിവരം സമീപവാസികളെയും തുടർന്നു കടയുടമകളെയും വിവരമറിയിക്കുന്നത്. വിവരമറിയിച്ചതിനെ തുടർന്നെത്തിയ ഫയർഫോഴ്സാണു തീയഅണയ്ക്കുന്നത്. അപ്പോഴേക്കും രണ്ട് കടകൾ പൂർണമായും രണ്ടു കടകൾ ഭാഗികമായും കത്തിയിരുന്നു.
