ശാസ്താംകോട്ട:കേരളത്തിലെ കുടുംബശ്രീ പ്രവർത്തനം ലോകത്തിനു തന്നെ മാതൃകയാണെന്ന് കോവൂർ കുഞ്ഞുമോൻ എം. എൽ. എ അഭിപ്രായപ്പെട്ടു.കുന്നത്തൂർ താലൂക്ക്‌ കുടുംബശ്രീ കലോത്സവം, ‘അരങ്ങ് 2019’ ഉത്‌ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഇന്ത്യയിൽ ആദ്യമായി കുടുംബശ്രീ പ്രവർത്തനം ആരംഭിച്ചത് കേരളത്തിലാണ്.
ആരും ശ്രദ്ധിക്കാതിരുന്ന സ്ത്രീ സമൂഹത്തെ ലോകം മുഴുവൻ ശ്രദ്ധിക്കുന്നവരാക്കിയത് കൂടുംബശ്രീ പ്രവർത്തനമാണെന്നും അദ്ദേഹം കൂട്ടിച്ചേർത്തു. പോരുവഴി പഞ്ചായത്ത്‌ പ്രസിഡന്റ് എസ്. ഷീജ അധ്യക്ഷത വഹിച്ചു. മൈനാഗപ്പള്ളി പഞ്ചായത്ത്‌ പ്രസിഡന്റ് പി. എസ്. ജയലക്ഷ്മി, പടിഞ്ഞാറേ കല്ലട പഞ്ചായത്ത്‌ പ്രസിഡന്റ് ജെ. ശുഭ, കുന്നത്തൂർ പഞ്ചായത്ത്‌ പ്രസിഡന്റ് കുന്നത്തൂർ പ്രസാദ്, ജില്ലാ പഞ്ചായത്ത്‌ അംഗങ്ങളായ കെ. ശോഭന, ശ്രീലേഖ വേണുഗോപാൽ, ബ്ലോക്ക്‌ പഞ്ചായത്ത്‌ അംഗം അക്കരയിൽ ഹുസൈൻ, പഞ്ചായത്ത്‌ വൈസ് പ്രസിഡന്റ് ബി. ബിനീഷ്, സ്ഥിരം സമിതി അധ്യക്ഷമാരായ ആർ. രാധ, സി. ഗീത, സി. ഡി. എസ്. ചെയർപേഴ്സൺ അന്നമ്മ ജോണി തുടങ്ങിയവർപ്രസംഗിച്ചു.
