എല്ലാമുണ്ട് പക്ഷേ തരത്തില്ല..! മെ​ഡി​ക്ക​ൽ കോ​ള​ജി​ലെ വി​വി​ധ ചി​കി​ത്സ​കേ​ന്ദ്ര​ങ്ങ​ളി​ലേ​ക്ക് രോ​ഗി​ക​ളേ​യും കൊ​ണ്ട്  പോകേണ്ടത് ക​ന​ത്ത​വെ​യി​ലി​ൽ; അരകിലോമീറ്റർ പോകാൻ ആംബുലൻസ് ഉണ്ടെങ്കിലും ഓടാറില്ലെന്ന് രോഗികൾ

കോ​ഴി​ക്കോ​ട്: ​മെ​ഡി​ക്ക​ൽ കോ​ള​ജി​ലെ വി​വി​ധ ചി​കി​ത്സ​കേ​ന്ദ്ര​ങ്ങ​ളി​ലേ​ക്ക് രോ​ഗി​ക​ളേ​യും കൊ​ണ്ട് ക​ന​ത്ത​വെ​യി​ലി​ൽ ന​ട​ക്കേ​ണ്ടി വ​രു​ന്ന​ത് രോ​ഗി​ക​ൾ​ക്ക് ഗു​രു​ത​ര ആ​രോ​ഗ്യ​പ്ര​ശ്ന​ങ്ങ​ളു​ണ്ടാ​ക്കു​ന്നു. പ്ര​ധാ​ന ആ​ശു​പ​ത്രി​യി​ലെ വി​വി​ധ വാ​ർ​ഡു​ക​ളി​ൽ നി​ന്നും സൂ​പ്പ​ർ​സ്പെ​ഷാ​ലി​റ്റി വി​ഭാ​ഗം,ഫി​സി​യോ​തൊ​റാ​പ്പി തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് രോ​ഗി​ക​ളെ സ്ട്ര​ച്ച​റി​ൽ കൊ​ണ്ട് പോ​ക​ണം.​വാ​ർ​ഡു​ക​ളി​ൽ നി​ന്നും അ​ത്യാ​ഹി​ത​വി​ഭാ​ഗ​ങ്ങ​ളി​ൽ നി​ന്നും സ്ഥി​ര​മാ​യി രോ​ഗി​ക​ളെ കൊ​ണ്ട്പോ​യി തി​രി​ച്ചു​കൊ​ണ്ട് വ​രു​ന്ന​തും പ​തി​വാ​ണ്.

​പ്ര​ധാ​ന​ കെ​ട്ടി​ട​വും ഈ ​വി​ഭാ​ഗ​ങ്ങ​ളും ത​മ്മി​ൽ അ​ര​കി​ലോ​മീ​റ്റ​ർ ദൂ​ര​മു​ണ്ട് .​പ്ര​യാ​സം ചൂ​ണ്ടി​ക്കാ​ണി​ച്ച​തി​നെ തു​ട​ർ​ന്ന് എ​സ്ബി​ഐ സ്പോ​ണ്‍​സ​ർ ചെ​യ്ത ആം​ബു​ല​ൻ​സും ഡ്രൈ​വ​റു​മു​ണ്ട്.​എ​ന്നാ​ൽ രാ​വി​ലെ എ​ട്ട് മു​ത​ൽ വൈ​കീ​ട്ട് നാ​ല് വ​രെ സൗ​ജ​ന്യ​സേ​വ​നം ല​ഭ്യ​മാ​ണെ​ങ്കി​ലും സാ​ങ്കേ​തി​ക കാ​ര​ണ​ത്താ​ൽ ഇ​ത് ഉ​പ​യോ​ഗി​ക്കാ​ൻ ക​ഴി​യാ​റി​ല്ല. വാ​ർ​ഡു​ക​ളി​ൽ നി​ന്നും പോ​കേ​ണ്ട രോ​ഗി​ക​ൾ​ക്ക് ആം​ബു​ല​ൻ​സ് ആ​വ​ശ്യ​മാ​യി വ​ന്നാ​ൽ ന​ഴ്സിം​ഗ് അ​സി​സ്റ്റ​ൻ​ഡ്് അ​ത്യാ​ഹി​ത​വി​ഭാ​ഗ​ത്തി​ലെ​ത്തി ര​ജി​സ്റ്റ​റി​ൽ രേ​ഖ​പ്പെ​ടു​ത്ത​ണ​മെ​ന്നാ​ണ് നി​യ​മം.​വാ​ർ​ഡി​ലെ തി​ര​ക്കു കാ​ര​ണം ന​ഴ്സിം​ഗ് അ​സി​സ്റ്റ​ൻ​ഡു​മാ​ർ ഇ​തി​ന് ത​യ്യാ​റാ​കാ​റി​ല്ല.​

ഇ​തോ​ടെ പു​റ​ത്തു​ള്ള ആം​ബു​ല​ൻ​സ് വി​ളി​ക്കു​ക​യോ സ്ട്ര​ച്ച​റി​ൽ വെ​യി​ല​ത്ത് രോ​ഗി​യെ​യും കൊ​ണ്ടു​പോ​കു​ക​യോ അ​ല്ലാ​തെ നി​വൃ​ത്തി​യി​ല്ല.​ ആം​ബു​ല​ൻ​സാ​ക​ട്ടെ പ​ല​പ്പോ​ഴും മ​രു​ന്നു​ക​ൾ എ​ത്തി​ക്കാ​നും തു​ണി​ക​ളോ, ബെ​ഡ്ഷീ​റ്റോ കൊ​ണ്ട്പോ​കാ​നു​മാ​യി​ഉ​പ​യോ​ഗി​ക്കു​ക​യാ​ണി​പ്പോ​ൾ.​സൂ​പ്പ​ർ സ്പെ​ഷ്യാ​ലി​റ്റി​യും പ്ര​ധാ​ന​കെ​ട്ടി​ട​വും ബ​ന്ധി​പ്പി​ക്കു​ന്ന​തി​നാ​യി മേ​ൽ​കൂ​ര​യോ​ടു​കൂ​ടി​യ വ​രാ​ന്ത നി​ർ​മി​ക്കു​ക​യാ​ണെ​ങ്കി​ൽ വെ​യി​ൽ​കൊ​ള്ളാ​തെ രോ​ഗി​ക​ളെ കൊ​ണ്ടു​പോ​കാ​ൻ ക​ഴി​യും.