വെള്ളറട: ഭൗമദിനത്തില്‍ ഭൂമിയെ പച്ച പുതപ്പിക്കാന്‍ വീട്ടിലും നാട്ടിലും പച്ചക്കറി എന്ന മുദ്രാവാക്യവുമായി സി പി എം വെളളറട ഏരിയാ കമ്മറ്റി ആരംഭിക്കുന്ന കാമ്പെയിന്‍പ്രവര്‍ത്തനം ഏരിയാക്കമ്മറ്റി സെക്രട്ടറി ഡി.കെ ശശി പാര്‍ടി ഓഫീസിനുമുന്നില്‍ പച്ചക്കറിത്തൈ നട്ടുകൊണ്ട് ഉദ്ഘാടനം ചെയ്തു.
വി സനാതനന്‍,ടിഎല്‍ രാജ്, പി.കെ ബേബി,നളിനകുമാര്‍,സുരേഷ്‌കുമാര്‍ തുടങ്ങിയവര്‍ സംബന്ധിച്ചു. ഒറ്റശേഖരമംഗലം ലോക്കല്‍കമ്മറ്റി ആരംഭിച്ച ഹരിതഅടുക്കളത്തോട്ടം സമഗ്രപദ്ധതി ലോക്കല്‍ കമ്മറ്റി സെക്രട്ടറി റ്റി.ചന്ദ്രബാബു ഉദ്ഘാടനം ചെയ്തു.
കിളിയൂര്‍ ലോക്കല്‍കമ്മറ്റി പഞ്ചാകുഴിയില്‍ നടത്തിയ പച്ചക്കറി നടല്‍ ലോക്കല്‍കമ്മറ്റി സെക്രട്ടറി പനച്ചമൂട് ഉദയന്‍ നിര്‍വ്വഹിച്ചു.വെള്ളറട ലോക്കല്‍കമ്മറ്റി ആനപ്പാറയില്‍ വെള്ളറടഏരിയാക്കമ്മറ്റി സെക്രട്ടറിഡികെ ശശി നിര്‍വ്വഹിച്ചു.
കുന്നത്തുകാല്‍ ലോക്കല്‍കമ്മറ്റി യുടെ ക്യാമ്പയിന്‍ കോട്ടുക്കോണത്തു ഏരിയാ സെക്രട്ടറി ഡി.കെ ശശി നിര്‍വ്വഹിച്ചു. ഏരിയാക്കമ്മറ്റി അംഗങ്ങളായ ജി കുമാര്‍,വിഎസ് ഉദയന്‍ തുടങ്ങിയവര്‍ സംബന്ധിച്ചു.
