കാടിറങ്ങി കൃ​ഷി ന​ശി​പ്പി​ച്ച് കാ​ട്ടു​പ​ന്നി​യും മാ​നു​ക​ളും; ക​ർ​ഷ​ക​ർ ദു​രി​ത​ത്തി​ൽ

ഇ​ഞ്ച​ക്കു​ണ്ട്: മ​ല​യോ​ര ഗ്രാ​മ​മാ​യ ഇ​ഞ്ച​ക്കു​ണ്ടി​ൽ വ​ന്യ​ജീ​വി​ക​ളി​റ​ങ്ങി കൃ​ഷി ന​ശി​പ്പി​ക്കു​ന്ന​ത് പ​തി​വാ​യി. കാ​ട്ടു​പ​ന്നി​ക​ളും മാ​നു​ക​ളു​മാ​ണ് ക​ർ​ഷ​ക​ർ​ക്കു തീ​രാ​ത​ല​വേ​ദ​ന​യാ​യി മാ​റു​ന്ന​ത്. രാ​ത്രി​യാ​യാ​ൽ സ​മീ​പ​ത്തെ തേ​ക്കു തോ​ട്ട​ത്തി​ൽ നി​ന്ന് കൂ​ട്ട​മാ​യി ഇ​റ​ങ്ങി വ​രു​ന്ന പ​ന്നി​ക​ളും മാ​നു​ക​ളും കൃ​ഷി​യി​ട​ങ്ങ​ളെ മെ​തി​ക്ക​ള​മാ​ക്കു​ക​യാ​ണ്.

ക​ഴി​ഞ്ഞ രാ​ത്രി ഇ​ഞ്ച​ക്കു​ണ്ട് കു​ണ്ടൂ​ക്കാ​ര​ൻ വ​ർ​ഗീ​സി​ന്‍റെ കൃ​ഷി​തോ​ട്ട​ത്തി​ലി​റ​ങ്ങി​യ പ​ന്നി​ക്കൂ​ട്ട​വും മാ​നു​ക​ളും വാ​ഴ​ക​ൾ, റ​ബ​ർ ചെ​ടി​ക​ൾ എ​ന്നി​വ വ്യാ​പ​ക​മാ​യി ന​ശി​പ്പി​ച്ചു. മൂ​ന്നു​മാ​സം വ​ള​ർ​ച്ച​യെ​ത്തി​യ നൂ​റോ​ളം ഇ​രു​ന്നൂ​റി​ലേ​റെ റ​ബ​ർ തൈ​ക്ക​ളും 250 ഓ​ളം പൂ​വ​ൻ​വാ​ഴ​ക​ളും വ​ന്യ​ജീ​വി​ക​ൾ ന​ശി​പ്പി​ച്ച​താ​യി 88 കാ​ര​നാ​യ ക​ർ​ഷ​ക​ൻ കു​ണ്ടൂ​ക്കാ​ര​ൻ വ​ർ​ഗീ​സ് പ​റ​ഞ്ഞു.

വേ​ലി​കെ​ട്ടി​യും രാ​ത്രി​യി​ൽ ത​ക​ര​പാ​ട്ട കൊ​ണ്ട് ശ​ബ്ദ​മു​ണ്ടാ​ക്കി​യും കാ​ട്ടു​പ​ന്നി​ക​ളെ തു​ര​ത്താ​ൻ ന​ട​ത്തു​ന്ന ക​ർ​ഷ​ക​രു​ടെ ശ്ര​മം പ​ല​പ്പോ​ഴും ഫ​ലം​കാ​ണാ​റി​ല്ല. പൊ​റു​തി മു​ട്ടി​യ ക​ർ​ഷ​ക​ർ വ​ന്യ​ജീ​വി​ക​ൾ കൃ​ഷി​യി​ട​ങ്ങ​ളി​ലേ​ക്കി​റ​ങ്ങു​ന്ന​ത് ത​ട​യ​ണ​മെ​ന്ന് നി​ര​ന്ത​രം അ​ധി​കൃ​ത​രോ​ടാ​വ​ശ്യ​പ്പെ​ടു​ന്നു​ണ്ടെ​ങ്കി​ലും ഫ​ല​പ്ര​ദ​മാ​യ ന​ട​പ​ടി​ക​ൾ ഉ​ണ്ടാ​യി​ട്ടി​ല്ലെ​ന്ന് ക​ർ​ഷ​ക​നാ​യ കെ.​വി.​ജോ​ണി പ​റ​ഞ്ഞു.

വ​ന്യ​ജീ​വി​ക​ൾ കൃ​ഷി ന​ശി​പ്പി​ച്ചാ​ൽ നാ​മ മാ​ത്ര​മാ​യ ന​ഷ്ട​പ​രി​ഹാ​ര​മാ​ണു ക​ർ​ഷ​ക​ർ​ക്കു ല​ഭി​ക്കു​ന്ന​ത്. ബാ​ങ്കി​ൽ നി​ന്നും മ​റ്റു ധ​ന​കാ​ര്യ സ്ഥാ​പ​ന​ങ്ങ​ളി​ൽ നി​ന്നും വാ​യ്പെ​ടു​ത്ത് കൃ​ഷി​യി​റ​ക്കു​ന്ന ക​ർ​ഷ​ക​ർ​ക്കു പ​ലി​ശ അ​ട​ച്ചു​തീ​ർ​ക്കാ​ൻ പോ​ലും ന​ഷ്ട​പ​രി​ഹാ​ര​തു​ക പ​ര്യാ​പ്ത​മാ​കു​ന്നി​ല്ലെ​ന്ന് ജോ​ണി പ​രാ​തി​പ്പെ​ട്ടു.

മ​ഴ​ക്കാ​ല​മാ​യ​തോ​ടെ കാ​ട്ടു​പ​ന്നി​ക​ളു​ടേ​യും മാ​നു​ക​ളു​ടേ​യും ശ​ല്യം വ​ർ​ധി​ച്ചി​ക്ക​യാ​ണെ​ന്നു ക​ർ​ഷ​ക​ർ പ​റ​ഞ്ഞു.