പിന്നില്‍ ആരുടെയങ്കിലും പ്രേരണയുണ്ടോ ? വിവാഹ ദിവസം ബ്യൂട്ടീഷന്റെ അടുക്കലെത്തിച്ച വധുവിനെ പിന്നെ കാണുന്നത് കായലില്‍ മരിച്ചനിലയില്‍; അന്വേഷണം ഫോണ്‍കോളുകള്‍ കേന്ദ്രീകരിച്ച്

വൈ​പ്പി​ൻ: വി​വാ​ഹ​ദി​ന​ത്തി​ൽ കാ​ണാ​താ​യ വ​ധു എ​ള​ങ്കു​ന്ന​പ്പു​ഴ പെ​രു​മാ​ൾ​പ​ടി ആ​ശാ​രി​പ്പ​റ​ന്പി​ൽ മാ​നം ക​ണ്ണേ​ഴ​ത്ത് കൃ​ഷ്ണ​പ്രി​യ​യെ(21) പി​റ്റേ​ന്ന് കാ​യ​ലി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വം ഫോ​ൺ കോ​ളു​ക​ൾ കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം ന​ട​ത്തും.

മ​ര​ണം ആ​ത്മ​ഹ​ത്യ​യാ​ണെ​ന്ന് പോ​ലീ​സി​നു ചി​ല സൂ​ച​ന​ക​ൾ ല​ഭി​ച്ചി​ട്ടു​ണ്ടെ​ങ്കി​ലും ആ​ത്മ​ഹ​ത്യ​ക്ക് പി​ന്നി​ൽ ആ​രു​ടെ​യ​ങ്കി​ലും പ്രേ​ര​ണ​യു​ണ്ടോ മ​റ്റെ​ന്തെ​ങ്കി​ലും കാ​ര​ണ​ങ്ങ​ൾ ഉ​ണ്ടോ​യെ​ന്നാ​ണ് പ്ര​ധാ​ന​മാ​യും അ​ന്വേ​ഷി​ക്കു​ന്ന​തെ​ന്ന് ഞാ​റ​ക്ക​ൽ എ​സ്ഐ ആ​ർ ര​ഗീ​ഷ്കു​മാ​ർ അ​റി​യി​ച്ചു. മ​ര​ണം സം​ബ​ന്ധി​ച്ച് ബ​ന്ധു​ക്ക​ൾ​ക്ക് ആ​ക്ഷേ​പ​മു​ള്ള​തി​നാ​ലാ​ണി​ത്.

വി​വാ​ഹ ദി​വ​സ​മാ​യ ഞാ​യ​റാ​ഴ്ച രാ​വി​ലെ അ​ണി​യി​ച്ചൊ​രു​ക്കാ​നാ​യി ബ്യൂ​ട്ടീ​ഷ്യ​ന്‍റെ അ​ടു​ക്ക​ലെ​ത്തി​ച്ച വ​ധു​വി​നെ​യാ​ണ് തി​ങ്ക​ളാ​ഴ്ച വൈ​കു​ന്നേ​ര​ത്തോ​ടെ മു​ള​വു​കാ​ട് സ​ഹ​ക​ര​ണ​റോ​ഡ് ക​ട​വി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

ക​ഴി​ഞ്ഞ ഞാ​യ​റാ​ഴ്ച​യാ​യി​രു​ന്നു വി​വാ​ഹം നി​ശ്ച​യി​ച്ചി​രു​ന്ന​ത്. രാ​വി​ലെ ആ​റ​ര​യോ​ടെ അ​ണി​യി​ച്ചൊ​രു​ക്കാ​നാ​യി ഒ​രു ബ​ന്ധു​വാ​ണ് വീ​ടി​ന​ടു​ത്തു​ള്ള ബ്യൂ​ട്ടീ​ഷ്യ​ന്‍റെ വീ​ട്ടി​ൽ കൊ​ണ്ട് ചെ​ന്നാ​ക്കി​യ​ത്. ബ​ന്ധു തി​രി​ച്ചു​പോ​യി​ക്ക​ഴി​ഞ്ഞ​പ്പോ​ൾ കു​ടും​ബ​ക്ഷേ​ത്ര​ത്തി​ൽ പോ​യി വ​രാം എ​ന്ന് പ​റ​ഞ്ഞ് ഇ​റ​ങ്ങി​യ പെ​ണ്‍​കു​ട്ടി​യെ അ​ര​മ​ണി​ക്കൂ​ർ നേ​രം ക​ഴി​ഞ്ഞും കാ​ണാ​താ​യ​പ്പോ​ൾ ബ്യൂ​ട്ടീ​ഷ്യ​ൻ വീ​ട്ടി​ൽ വി​വ​ര​മ​റി​യി​ക്കു​ക​യാ​യി​രു​ന്നു.

തു​ട​ർ​ന്ന് വീ​ട്ടു​കാ​ർ ന​ട​ത്തി​യ അ​ന്വേ​ഷ​ണ​ത്തി​ൽ പെ​ണ്‍​കു​ട്ടി​യെ കാ​ണാ​തെ വ​ന്ന​പ്പോ​ൾ ഞാ​റ​ക്ക​ൽ പോ​ലീ​സി​ൽ പ​രാ​തി ന​ൽ​കി. പി​റ്റേ​ന്ന് മു​ള​വു​കാ​ട് സ​ഹ​ക​ര​ണ​റോ​ഡ് ക​ട​വി​ൽ ക​ണ്ട യു​വ​തി​യു​ടെ മൃ​ത​ദേ​ഹം അ​ജ്ഞാ​ത മൃ​ത​ദേ​ഹ​മാ​യി ക​രു​തി മു​ള​വു​കാ​ട് പോ​ലീ​സ് കേ​സെ​ടു​ത്തി​രു​ന്നു. പി​ന്നീ​ട് പെ​ണ്‍​കു​ട്ടി​യു​ടെ ബ​ന്ധു​ക്ക​ൾ എ​ത്തി ക​ണ്ടാ​ണ് ആ​ളെ തി​രി​ച്ച​റി​ഞ്ഞ​ത്. സം​സ്കാ​രം ന​ട​ത്തി.