ചാലക്കുടി: പെരിങ്ങല്‍ക്കുത്ത് ഡാമിനു സമീപം കെഎസ്ഇബി ക്വാര്‍ട്ടേഴ്‌സില്‍ ആദിവാസി യുവതിയെ മരിച്ച നിലയില്‍ കണ്ടെത്തി.
ആനപ്പാന്തം സ്വദേശിനി ഗീത (40) യാണ് മരിച്ചത്. കൊലപാതകമെന്നാണ് പ്രാഥമിക നിഗമനം. ഗീതയുടെ കഴുത്തിൽ പരിക്കുണ്ട്. ഗീതയുടെ ഭര്‍ത്താവ് സുരേഷിനായി തെരച്ചില്‍ ആരംഭിച്ചു.
ഇന്ന് രാവിലെയാണ് യുവതിയെ ക്വാട്ടേഴ്സിൽ മരിച്ച നിലയിൽ കണ്ടെത്തുന്നത്. ഇന്നലെ ഇരുവരും തമ്മിൽ വഴക്കുണ്ടായതായി പോലീസിന് മൊഴി ലഭിച്ചിട്ടുണ്ട്.
മൃതദേഹം കണ്ടതിനുശേഷം സുരേഷിനെ തെരഞ്ഞെങ്കിലും ഇയാളെ കണ്ടെത്താനായിട്ടില്ല. ഇയാൾ കാട് കയറിയിട്ടുണ്ടാവും എന്ന നിഗമനത്തിലാണ് പോലീസ്.
