ഹരിപ്പാട് : ബസില്‍ കുഴഞ്ഞു വീണ യാത്രക്കാരന് കരുതലായി കെ.എസ്.ആർ.ടി.സി ജീവനക്കാര്‍.ഹരിപ്പാട്ബസ്സ്റ്റാൻഡിൽ നിന്നും പന്തളത്തേക്ക് പുറപ്പെടാന്‍ തയ്യാറായ വേണാട് ബസിലെ യാത്രക്കാരനാണ് കുഴഞ്ഞുവീണത്.
ഇക്കാര്യം യാത്രക്കാർകണ്ടക്ടറുടെ ശ്രദ്ധയിൽ പെടുത്തി. മനോധെെര്യം വീണ്ടെടുത്ത കണ്ടക്ടര്‍ ആര്യയും ഡ്രെെവര്‍ സന്തോഷും ചേര്‍ന്ന് യാത്രക്കാരുടെ തന്നെ സഹായത്തോടെ യാത്രികനെ ബസില്‍ തന്നെ താലൂക്ക് ആശുപത്രിയില്‍ എത്തിച്ചു.
പന്തളം – ഹരിപ്പാട് റൂട്ടില്‍ സര്‍വ്വീസ് നടത്തുന്ന ഓര്‍ഡിനറി ബസിലെ ജീവനക്കാരാണ് കൃത്യമായ ഇടപെടലിലൂടെ യാത്രക്കാരനെ രക്ഷിച്ചത്. ആര്യയെയും സന്തോഷിനെയും ഹരിപ്പാട് എമര്‍ജന്‍സി റെസ്ക്യൂ ടീം പൊന്നാട അണിയിച്ചു ആദരിച്ചു.
