അങ്ങനെ സംശയിക്കേണ്ടതുണ്ടോ..! കെഎസ്ആ​ർ​ടി​സി​യു​ടെ ടി​ക്ക​റ്റ് ബു​ക്കിം​ഗ് സെ​ർ​വ​ർ പ​ണി​മു​ട​ക്കു​ന്നു; സ്വ​കാ​ര്യ​ബ​സു​ക​ളെ സ​ഹാ​യി​ക്കാ​നെ​ന്ന് ആ​ക്ഷേ​പം

കോ​ഴി​ക്കോ​ട്: കെഎസ്ആ​ർ​ടി​സി​യു​ടെ ടി​ക്ക​റ്റ് ബു​ക്കിം​ഗ് സെ​ർ​വ​ർ ത​ക​രാ​റി​ലാ​യ​ത് യാ​ത്ര​ക്കാ​രെ വ​ല​ച്ചു.​ഇ​ന്ന​ലെ കോ​ഴി​ക്കോ​ട് കെഎസ്ആ​ർ​ടി​സി ടെ​ർ​മി​ന​ലി​ലെ ബു​ക്കിം​ഗ് കൗ​ണ്ട​റി​ൽ എ​ത്തി​യ​വ​ർ നി​രാ​ശ​രാ​യി മ​ട​ങ്ങി. ര​ണ്ടു​മ​ണി​ക്കൂ​റോ​ളം സെ​ർ​വ​ർ ത​ക​രാ​റി​ലാ​യ​തോ​ടെ മ​റ്റു യാ​ത്രക്കാ​ർ സ്വ​കാ​ര്യ ബ​സു​ക​ളെ ആ​ശ്ര​യി​ച്ചു.

ന​വ​രാ​ത്രി ഉ​ൾ​പ്പെ​ടെ​യു​ള​ള അ​വ​ധി ദി​വ​സ​ങ്ങ​ൾ വ​രാ​നി​രി​ക്കേ സ്വ​കാ​ര്യ ബ​സു​ക​ളെ സ​ഹാ​യി​ക്കാ​നാ​ണോ ഈ ​സ​ർ​വ​ർ ത​ക​രാ​ർ എ​ന്ന ചോ​ദ്യ​മാ​ണ് യാ​ത്ര​ക്കാ​ർ ഉ​യ​ർ​ത്തു​ന്ന​ത്. അ​വ​ധി​കാ​ല​ത്ത് സ്പെ​ഷ​ൽ സ​ർ​വീ​സു​ക​ൾ കെഎസ്ആ​ർ​ടി​സി പ്ര​ഖ്യാ​പി​ച്ചി​ട്ടു​ണ്ട്. അ​ത് എ​തൊ​ക്കെ​യെ​ന്ന​റി​യു​ന്ന​തി​നും ത​ങ്ങ​ളു​ടെ യാ​ത്ര ഉ​റ​പ്പി​ക്കു​ന്ന​തി​നും നി​ര​വ​ധി​പേ​രാ​ണ് ഇ​ന്ന​ലെ സ്റ്റാ​ൻ​ഡി​ൽ എ​ത്തി​യ​ത്.

അ​വ​രെ​ല്ലാം നി​രാ​ശ​രാ​യി മ​ട​ങ്ങി. ഇ​തി​നൊ​പ്പം ഇ​ന്ന​ലെ യാ​ത്ര​പോ​കേ​ണ്ടി​യി​രു​ന്ന​വ​രും വി​ഷ​മ​വൃ​ത്ത​ത്തി​ലാ​യി.കെഎ​സ്ആ​ർ​ടി​സി​യു​ടെ ഓ​ണ്‍​ലൈ​ൻ ടി​ക്ക​റ്റ് ബു​ക്കിം​ഗ് റി​സ​ർ​വേ​ഷ​ൻ ക​രാ​ർ നി​ല​വി​ൽ കെ​ൽ​ട്രോ​ണി​നാ​ണ്. സ​ർ​വ​ർ ത​ക​രാ​റി​ലാ​യ​തോ​ടെ അ​രൊ​ക്കെ​യാ​ണ് ബു​ക്ക് ചെ​യ്ത​തെ​ന്നു പോ​ലും അ​റി​യാ​ൻ സാ​ധി​ക്കാ​തെ​യാ​ണ് പ​ല ബ​സു​ക​ളും സ​ർ​വീ​സ് ന​ട​ത്തി​യ​ത്.