കെഎ​സ്ആ​ർടി ​സി ജീ​വ​ന​ക്കാ​രു​ടെ യൂ​ണി​ഫോം നീ​ല​യി​ൽ​നി​ന്നു വീ​ണ്ടും കാ​ക്കി​യി​ലേ​ക്ക്; സാ​മ്പി​ൾ യൂ​ണി​ഫോം വി​ത​ര​ണത്തിനു പിന്നാലെ പ​രാ​തി​ക​ളും

പ്ര​ദീ​പ് ചാ​ത്ത​ന്നൂ​ർ
ചാ​ത്ത​ന്നൂ​ർ : കെ​എ​സ്ആ​ർടിസിയി​ലെ ക​ണ്ട​ക്ട​ർ, ഡ്രൈ​വ​ർ വി​ഭാ​ഗം ജീ​വ​ന​ക്കാ​രു​ടെ യൂ​ണി​ഫോം നീ​ല ക​ള​റി​ൽ നി​ന്നും കാ​ക്കി​യി​ലേ​ക്ക് മാ​റു​ന്നു.

അ​ഞ്ചു വ​ർ​ഷം മു​മ്പാ​ണ് കാ​ക്കി യൂ​ണി​ഫോം പ​രി​ഷ്ക​രി​ച്ച് നീ​ല ഷ​ർ​ട്ടും ക​ടും​നീ​ല പാന്‍റ്സും ആ​ക്കി​യ​ത്. ഇ​നി ഷ​ർ​ട്ടും പാന്‍റ്സും കാ​ക്കി​യാ​യി​രി​ക്കും. കെ ​എ​സ് ആ​ർ ടി ​സി തു​ണി മൊ​ത്ത​ത്തി​ൽ വാ​ങ്ങി തു​ന്നി കൊ​ടു​ക്കു​മെ​ന്നാ​ണ് വ്യ​ക്ത​മാ​ക്കി​യി​ട്ടു​ള്ള​ത്.

ക​ഴി​ഞ്ഞ എ​ട്ടു വ​ർ​ഷ​മാ​യി യൂ​ണി​ഫോ​മോ , യൂ​ണി​ഫോം അ​ല​വ​ൻ​സോ കെ ​എ​സ് ആ​ർ ടി ​സി ജീ​വ​ന​ക്കാ​ർ​ക്ക് ന​ല്കി​യി​ട്ടി​ല്ലെ​ന്ന് ജീ​വ​ന​ക്കാ​ർ ആ​രോ​പി​ച്ചു. മാ​നേ​ജ്മെ​ന്റും അം​ഗീ​കൃ​ത സം​ഘ​ട​ന പ്ര​തി​നി​ധി​ക​ളു​മാ​യു​ള്ള ച​ർ​ച്ച​ക​ളി​ൽ നി​ര​ന്ത​രം ഉ​യ​രു​ന്ന ആ​വ​ശ്യ​മാ​യി​രു​ന്നു യൂ​ണി​ഫോം അ​ല​വ​ൻ​സ്.

യൂ​ണി​ഫോം വി​ഷ​യ​ത്തി​ൽ ജീ​വ​ന​ക്കാ​രു​ടെ സം​ഘ​ട​ന​യാ​യ ഫോ​റം ഫോ​ർ ജ​സ്റ്റി​സ് (എ​ഫ് എ​ഫ് ജെ)​ഹൈ​ക്കോ​ട​തി​യെ സ​മീ​പി​ച്ചി​ട്ടു​മു​ണ്ട്. ഇ​താ​ണ് യൂ​ണി​ഫോം അ​നു​വ​ദി​ക്കാ​ൻ മാ​നേ​ജ്‌​മെ​ന്റി​നെ പ്രേ​രി​പ്പി​ച്ചി​ട്ടു​ള്ള​തെ​ന്ന് ക​രു​തു​ന്നു.

കാ​ക്കി ഷ​ർ​ട്ടും പാന്‍റ്സുമാ​ണ് ഓ​പ്പ​റേ​റ്റിം​ഗ് വി​ഭാ​ഗ​മാ​യ ഡ്രൈ​വ​ർ, ക​ണ്ട​ക്ട​ർ ജീ​വ​ന​ക്കാ​ർ​ക്ക്. ഷ​ർ​ട്ടി​ന്‍റെ ഇ​ട​തു വ​ശം കെ ​എ​സ് ആ​ർ ടി ​സി യു​ടെ എം​ബ്ലം പ​തി​ക്കും. സാ​മ്പി​ൾ യൂ​ണി​ഫോം വി​ത​ര​ണം ചെ​യ്തു.

ഇ​തോ​ടെ പ​രാ​തി​ക​ളും ഉ​യ​ർ​ന്നി​ട്ടു​ണ്ട്. സാ​മ്പി​ൾ കാ​ണി​ച്ച ക്വാ​ളി​റ്റി​യു​ള്ള തു​ണി അ​ല്ല വി​ത​ര​ണം ചെ​യ്തി​രി​ക്കു​ന്ന​തെ​ന്ന് റ്റി ​ഡി എ​ഫ് ആ​രോ​പ​ണ​മു​യ​ർ​ത്തി.

നി​ല​വി​ലെ തു​ണി​യി​ലു​ള്ള കാ​ക്കി യൂ​ണി​ഫോം ര​ണ്ടാ​ഴ്ച ധ​രി​ച്ച് നോ​ക്കി​യ ശേ​ഷം തു​ണി​യെ സം​ബ​ന്ധി​ച്ച് പു​ന​പ​രി​ശോ​ധ​ന ന​ട​ത്താ​മെ​ന്നാ​ണ് മാ​നേ​ജ്മെന്‍റ് നി​ല​പാ​ട്.

മു​ൻ വ​ർ​ഷ​ങ്ങ​ളി​ൽ ര​ണ്ട് ജോ​ഡി യൂ​ണി​ഫോ​മി​നു​ള്ള തു​ക യൂ​ണി​ഫോം അ​ല​വ​ൻ​സാ​യി ജീ​വ​ന​ക്കാ​ർ​ക്ക് വി​ത​ര​ണം ചെ​യ്യു​ക​യാ​യി​രു​ന്നു.

എ​ന്നാ​ൽ ഇ​പ്പോ​ൾ ക​മ്പി​നി​യു​മാ​യി നേ​രി​ട്ട് തു​ണി മൊ​ത്ത​ത്തി​ൽ വാ​ങ്ങാ​നാ​ണ് മാ​നേ​ജ്‌​മെ​ന്റ് തീ​രു​മാ​നം. മാ​ത്ര​മ​ല്ല ത​യ്ച്ചും കൊ​ടു​ക്കു​മെ​ന്നാ​ണ് അ​റി​യി​പ്പ്.