അന്പലപ്പുഴ: ബൈക്ക് യാത്രികനെ രക്ഷിക്കുന്നതിനിടയിൽ കെഎസ്്ആർടിസി വോൾവോ ബസ് അപകടത്തിൽപെട്ടു. ദേശീയപാതയിൽ കാക്കാഴം റെയിൽവെ മേൽപ്പാലത്തിന്‍റെ വടക്കു ഭാഗത്തായാണ് അപകടം നടന്നത്.
ബാംഗ്ലൂരിൽ നിന്ന് തിരുവനന്തപുരത്തേക്ക് വരുകയായിരുന്ന ബസാണ് ഇന്നു പുലർച്ചെ 3.15 ഓടെ അപകടത്തിൽപ്പെട്ടത്. ബൈക്കു യാത്രക്കാരനെ രക്ഷപെടുത്തുന്നതിനിടയിൽ നിയന്ത്രണം തെറ്റിയ ബസ് മേൽപാലത്തിന്‍റെ കൈവരിയിലിടിക്കുകയായിരുന്നു.
അപകടത്തിൽ ഡ്രൈവർ രാജേഷിന്‍റെ കാൽമുട്ടിന് സാരമായി പരിക്കേറ്റു. മേൽപാലത്തിലെ വഴിവിളക്കിന്‍റെ തൂണും അപകടത്തിൽ തകർന്നു. 20 യാത്രക്കാരാണ് ബസിലുണ്ടായിരുന്നത്. ഇവർക്ക് പരിക്കില്ല.
