കെഎസ്ആർടിസിയുടെ പുതിയ മുഖം അവതരിപ്പിക്കുന്ന ചിത്രമാണ് ഒരു ഓർഡിനറി പ്രണയം. കോയിൻസ് ക്രിയേഷൻസിനു വേണ്ടി സത്യപ്രകാശ്, ജയകുമാർ എന്നിവർ ചേർന്ന് നിർമിക്കുന്ന ഈ ചിത്രം രാഗ് രംഗില എന്ന ചിത്രത്തിലൂടെ ശ്രദ്ധേയനായ യൂസഫ് മുഹമ്മദ് സംവിധാനം ചെയ്യുന്നു.
ഇന്ദ്രൻസ്, സുധീർ കരമന, ശശികുമാർ, കോബ്ര രാജേഷ്, ബിജുക്കുട്ടൻ, ഉല്ലാസ് പന്തളം, ജയലാൽ തൃക്കുന്ന, സൂര്യാ രാജേഷ്, സീമാ. ജി നായർ, ശാന്തകുമാരി എന്നിവർ അഭിനയിക്കുന്നു. മെയ് അവസാനം എറണാകുളം കെഎസ്ആർടിസിയിലും പരിസരങ്ങളിലുമായി ചിത്രീകരണം ആരംഭിക്കും. ഒരു കെഎസ്ആർടിസി ബസ് സ്റ്റാൻഡിനെ ചുറ്റിപ്പറ്റിയാണ് ചിത്രത്തിന്‍റെ കഥ വികസിക്കുന്നത്.
