കുളത്തൂപ്പുഴ: യുവാവിന്‍റെ മരണം കൊലപാതകമെന്ന് പോലീസ്. സംഭവത്തെതുടർന്ന് മൃതദേഹം കാണപ്പെട്ട വീട്ടിലെ യുവതിയെ പോലീസ് അറസ്റ്റുചെയ്തു.
കുളത്തൂപ്പുഴ ആറ്റിനുകിഴക്കേകര ടിഎസ്.ഭവനില്‍ ദിനേശ്(25)നെയാണ് വെളളിയാഴ്ച ഉച്ചക്ക് ദുരൂഹ സാഹചര്യത്തില്‍ അറസ്റ്റിലായ യുവതിയുടെ വീടിന്‍റെ അടുക്കളയില്‍ മരിച്ച നിലയില്‍ കണ്ടെത്തിയത്.
കുളത്തൂപ്പുഴ ചന്ദനക്കാവ് ആലുംപൊയ്കയില് രശ്മി നിവാസില്‍ രശ്മി(25) ആണ് കുളത്തൂപ്പുഴ പോലീസ് അറസ്റ്റ് ചെയ്തത്.
യുവതിയുമായി ഏറെ നാളായി അടുപ്പത്തിലായിരുന്ന യുവാവ് കഴിഞ്ഞ ദിവസം ഓട്ടോറിക്ഷയില് യുവതിയുടെ വീട്ടിലെത്തുകയും ശാരീരികമായി ആക്രമിക്കാന്‍ ശ്രമിച്ചപ്പോള് കുതറിമാറുന്നതിനിടയില്‍ കട്ടിലില്‍ തലയടിച്ച് വീണ യുവാവ് മരണപ്പെടുകയുമായിരുന്നെന്നുമാണ് കേസ്.
യുവതി തന്നെയാണ് സംഭവം അയല്‍വാസികളെ അറിയിക്കുന്നത്. വീഴ്ചയില്‍ തലയുടെ പുറകിലേറ്റ ക്ഷതമാണ് മരണകാരണമെന്ന് പോസ്റ്റ്മോര്ട്ടം ചെയ്ത ഡോക്ടറുടെ പ്രാഥമിക നിഗമനം.
ഫോറന്സിക് പരിശോധനാ ഫലവും സൈബര്‍സെല്ലിന്‍റെ റിപ്പോര്ട്ടുംകൂടി പുറത്ത് വന്നെങ്കില്‍ മാത്രമെ കൂടുതല്‍ വിവരങ്ങൾ വ്യക്തമാക്കാനാകൂ എന്ന് അന്വേഷണത്തിന് നേതൃത്വം നല്‍കുന്ന കുളത്തൂപ്പുഴ ഇന്‍സ്പെക്ടര്‍ എന്‍.ഗിരീഷ്കുമാര്‍ അറിയിച്ചു. തിരുവനന്തപുരം മെഡിക്കല്കോളേജില് പോസ്റ്റ്മോര്ട്ടത്തിനുശേഷം എത്തിച്ച മൃതദേഹം വീട്ടുവളപ്പില്‍ സംസ്കരിച്ചു .
