തിരുവനന്തപുരം: സംവിധായകനും നിർമ്മാതാവും തിരക്കഥാകൃത്തുമായ കാഞ്ഞിരംപാറ കുളത്തൂർ ഭവനത്തിൽ കുളത്തൂർ ഭാസ്ക്കരൻ നായർ (83) നിര്യാതനായി.
ഫിലിം സൊസൈറ്റി പ്രസ്ഥാനങ്ങളുടെ തുടക്കക്കാരനും ചിത്രലേഖ ഫിലിം സൊസൈറ്റിയുടെ സ്ഥാപകനും മാനേജിംഗ് ഡയറക്ടറുമായിരുന്നു. മുപ്പതിൽപ്പരം ഡോക്യുമെന്ററി ചിത്രങ്ങൾ നിർമിച്ചിട്ടുണ്ട് നാല് ചിത്രങ്ങൾക്ക് തിരക്കഥ, സംവിധാനം ചെയ്തിട്ടുണ്ട്. പ്രസിഡന്‍റിന്‍റെ മെഡൽ ലഭിച്ച സ്വയംവരം (1972), കൊടിയേറ്റം (1978) എന്നീ ചിത്രങ്ങൾ നിർമ്മിച്ചു.
നിരവധി നോവലുകളും ചെറുകഥകളും കവിതകളും അദ്ദേഹം രചിച്ചിട്ടുണ്ട്. നിരവധി പുരസ്കാരങ്ങൾ നേടിയിട്ടുണ്ട്. കെട്ടിട നിർമാണരംഗത്ത് തന്േ‍റതായ സംഭാവന നൽകി.
1936ൽ നെയ്യാറ്റിൻകര കുളത്തൂരിലായിരുന്നു ജനനം. മകൾ: അഡ്വ. ബി. സിന്ധു (ഡയറക്ടർ, ഇന്‍റിമേറ്റ ഹോംസ്). മരുമകൻ: വിനിൽ എസ്. നായർ (മാനേജിംഗ് ഡയറക്ടർ, ഇന്‍റിമേറ്റ്സ് ഹോംസ്). സംസ്കാരം ഇന്ന് ഉച്ചയ്ക്ക് ഒന്ന് തൈക്കാട് ശാന്തികവാടത്തിൽ.
