മലയാളികളുടെ പ്രിയ നടനാണ് കുഞ്ചാക്കോ ബോബന്‍. മിഥുന്‍ മാനുവല്‍ ഒരുക്കിയ അഞ്ചാം പാതിരയിലൂടെ തനിക്ക് ചോക്ലേറ്റ് വേഷം മാത്രമല്ല ചേരുന്നതെന്നും താരം തെളിയിച്ചിരുന്നു.
ഇപ്പോഴിതാ സമൂഹമാധ്യമങ്ങളില്‍ കുഞ്ചാക്കോ ബോബന്‍ പങ്കുവച്ചിരിക്കുന്ന ഒരു വീഡിയോയാണ് ആരാധകര്‍ ഇരുകൈയും നീട്ടി സ്വീകരിക്കുന്നത്.
ഒരു കുട്ടിക്കുരങ്ങിനോട് കുശലം പറയുന്ന വീഡിയോയാണ് അദ്ദേഹം പങ്കുവച്ചത്. ചില കുരങ്ങുകള്‍ സംസാരിക്കും, പുള്ളി പുറത്തും നമ്മള്‍ അകത്തും എന്നും അദ്ദേഹം കുറിച്ചിട്ടുണ്ട്.
നിഴല്‍ എന്ന സിനിമയുടെ ചിത്രീകരണത്തിനിടെയാണ് കുഞ്ചാക്കോ ബോബന്‍ വീഡിയോ പകര്‍ത്തിയത്. സംഭവത്തിന് പ്രതികരണവുമായി നിരവധി ആരാധകർ രംഗത്തെത്തിയിട്ടുണ്ട്.
