കൊല്ലം: കുണ്ടറയിലെ പീഡനക്കേസിലെ പ്രതി വിക്ടറുടെ ഭാര്യയെ ഇന്ന് അറസ്റ്റുചെയ്തു. വൃക്കകൾക്ക് തകരാറ് സംഭവിച്ചതിനെതുടർന്ന് ജില്ലാആശുപത്രിയിൽ ചകിത്സയിലായിരുന്ന ഇവർ പോലീസ് നിരീക്ഷണത്തിലായിരുന്നു. ഇന്ന് രാവിലെ കൊട്ടാരക്കര എസിപി ബി.കൃഷ്ണകുമാറാണ് ഇവരെ അറസ്റ്റുചെയ്തത്.
ഇവരുടെ ഭർത്താവ് വിക്ടർ പോലീസ് കസ്റ്റഡിയിലാണ്. ഇയാളെ നാളെ കോടതിയിൽ ഹാജരാക്കും. പീഡനത്തിനിരയായ പത്തുവയസുകാരി ആത്മഹത്യ ചെയ്ത സംഭവത്തിലും മറ്റൊരു കുട്ടി പീഡനത്തിനിരയായ കേസിലും വിക്ടറുടെ ഭാര്യയ്ക്ക് നേരിട്ട് പങ്കുള്ളതായി തെളിഞ്ഞതിന്‍റെ അടിസ്ഥാനത്തിലാണ് ഇവരെ അറസ്റ്റുചെയ്തതെന്ന് അന്വേഷണസംഘം വ്യക്തമാക്കി.
